Tags-Raat

ham tirī āġhosh meñ the raat bhar
''māh-e-kāmil muskurāyā der tak''

sun ke bhīgī raat kī sargoshiyāñ
ik kuñvārā-pan lajāyā der tak

jin se kuchh hāsil nahīñ tābīr-ḳhvāhī ke sivā
aise ḳhvāboñ meñ basar kyuuñ raat saarī kījiye

haarī huī raat kā saverā
ġhunchoñ kī jabīñ bhigo rahā hai

raat kī baat rahe parda-e-tārīkī meñ
shaam kā bhūlā agar sub.h ko ghar aa jaa.e

itnī ma.asūm sī ḳhvāhish bhī to puurī na huī
ḳhud-baḳhud raat guzarne pe sahar aa jaa.e

zamīñ se tā-ba-surayyā hai raushnī lekin
yahāñ to raat kā manzar rahā hai āñkhoñ meñ

dariyā ġhurūb hone chalā thā ki aaj raat
ġharqāb kashtiyoñ ne uchhālī hai raushnī

hāthoñ kā imtihān liyā saarī saarī raat
sāñche meñ sub.h-o-shām ke Dhālī hai raushnī

bar meñ vo shoḳh thā aur sair-e-shab-e-māh thī raat
apne ghar kyā kaheñ thī anjuman-ārā.ī kyā

kahīñ chāñd rāhoñ meñ kho gayā kahīñ chāñdnī bhī bhaTak ga.ī
maiñ charāġh vo bhī bujhā huā merī raat kaise chamak ga.ī

sukh kā din kuchh pahle bhī chaḌh saktā hai
dukh kī raat ubūrī bhī ho saktī hai

haañ jis se us zamīñ kā tavāzun hai barqarār
din raat ke azaab ke aage kuchh aur hai

maiñ ahl-e-duniyā se masrūf-e-jañg ho jā.ūñ
ki pichhlī raat milā hai mujhe ishāra-e-ḳhvāb

ham samundar se milne zarā der se pahuñche
raat samundar se ziyādā gahrī ho rahī thī

chāñdnī ne raat kā mausam javāñ jaise kiyā
ham ne bhī chehra farozāñ shīsha-e-mai se kiyā

ye raat sirf mah-o-kahkashāñ kī raat nahīñ
ye raat tum se sajī hai zarā Thahar jaao

din bhī hai raat bhī hai mere saath
tarah meñ sādgī hai mere saath

raat bhī jāgtī hai mere saath
ġham sarāsar ḳhushī hai mere saath

hijr kī raat chhoḌ jaatī hai
nit-na.ī baat chhoḌ jaatī hai