Tags-Raat

vo to ik halkī sī dastak de ke ruḳhsat ho gayā
ik sadā ras gholtī din-rāt kānoñ meñ rahī

sahrā kī tez dhuup ghane jañgaloñ kī chhāñv
in meñ mire nasīb ke din raat baT ga.e

añdherī raat ko maiñ roz-e-ishq samjhā thā
charāġh tū ne jalāyā to dil bujhā merā

thak ke soyā hai jo ab raat ga.e
shaam hote use dekhā hotā

kitne dard chamak uThte haiñ furqat ke sannāTe meñ
raat rāt-bhar jaag ke ham ne ḳhud pe zaḳhm lagā.e the

pichhlī raat ko taare ab bhī jhilmil karte haiñ
kis ko ḳhabar hai ik shab ham ne kitne ashk bahā.e the

kaun sī raat vo hove ki jo aave shab-e-vasl
kaun sā roz vo ho jo shab-e-hijrāñ nikle

rishta-e-āh-e-ātishīñ señ 'sirāj'
muj kuuñ har raat sho.ala-bāfī hai

shafaq ke saath bahut der tak dikhā.ī diye
vo saare log jo bas rāt-bhar ke sāthī the

rāt-bhar jaag ke kaaTe to koī merī tarah
ḳhud-ba-ḳhud samjhegā vo pichhlā pahar kyā kuchh hai

use phūloñ ne merī yaad meñ betāb dekhā hai
sitāroñ kī nazar ne raat bhar be-ḳhvāb dekhā hai

us vaqt rāt-rānī mire suune sahn meñ
ḳhushbū luTā rahī thī ki tum yaad aa ga.e

raat tak
ḳhayāloñ meñ

raat mavvāj thī jab haath uThe us ke huzūr
sab se pahle jo duā kī to tumhāre liye kī

maiñ udās-rāt kā chāñd huuñ ghane bādaloñ meñ ghirā huā
mirī taab kī ho ḳhabar kise maiñ ridā-e-ġham meñ chhupā huā

raat ke dar pe ye dastak ye musalsal dastak
āmad-e-sub.h-e-farozāñ kā patā detī hai

din ho ki ho vo raat abhī kal kī baat hai
hotī thī un se baat abhī kal kī baat hai

raat ke lamhoñ kī sañgīnī dil ko Dastī rahtī hai
jism sulagtā rahtā hai tanhā.ī ke añgāroñ meñ

itnā na ghuum raat ko phūloñ kī baas meñ
so.e paḌe haiñ chāroñ taraf saañp ghaas meñ

milā vo raat mujhe mahfil-e-masarrat meñ
to maiñ adab se nahīñ dukh se duur jā baiThā