Tags-Raat

umr bhar ro.e faqat is dhun meñ
raat bhīgī to ujālā hogā

kyā sochte ho ab phūloñ kī rut biit ga.ī rut biit ga.ī
vo raat ga.ī vo baat ga.ī vo riit ga.ī rut biit ga.ī

rāt-din lab pe na ho kyūñki bayān-e-dehlī
na makīñ ab vo rahe aur na makān-e-dehlī

aadhī raat kī chup meñ kis kī chaap ubhartī hai
chhat pe kaun aatā hai sīḌhiyāñ nahīñ khultīñ

soch abhī se phir kyā hogā biit ga.ī jab raat milan kī
ek udāsī rah jā.egī paa.el kī jhankār ke pīchhe

jo hai vo kal ke savāloñ ke intizār meñ hai
ye zindagī hai ki hai raat imtihānoñ kī

niiñd ke bojh se palkoñ ko jhapaktī huī aa.ī
sub.h jab raat kī galiyoñ meñ bhaTaktī huī aa.ī

raat ghabrā ga.ī sūraj se kahā al-madade
vo ba-sad-nāz jo zulfoñ ko jhaTaktī huī aa.ī

rāt-din gul-ruḳhoñ se sohbat thī
yaad aatā hai ḳhāna-bāġh apnā

chaar ghaḌī raat hai aao ki hañs bol leñ
jaane sahar tak ho phir kaun kahāñ dosto

raat kī samt dekho nahīñ niiñd us din se aa.ī nahīñ
jab se vālid ke hī sāmne us ke beTe alag ho ga.e

tasvīr meñ jo qaid thā vo shaḳhs raat ko
ḳhud hī frame toḌ ke pahlū meñ aa gayā

ġhazal ke phuul mire zehn meñ mahakte hue
tirā ḳhayāl mujhe raat bhar jagātā huā

sach hai dil-e-dīvāna ḳhvāboñ se bahaltā hai
har raat magar kaise bahlā.iye ḳhvāboñ ko

raat din shām-o-sahar sab ek rañg
hādse ḳhair-o-ḳhabar sab ek rañg

chāñd TuuTā pighal ga.e taare
qatra qatra Tapak rahī hai raat

jaise kohre meñ koī tābinda manzar duur kā
jaise pichhlī raat ke siine pe Dorā nuur kā

qissa-e-farhād-o-majnūñ raat din paḌhte the ham
so to vo maazī paḌā ab apnā afsāna huā

raat din ye soch rahtā hai mire dal ke ta.iiñ
ai ḳhudā yaañ se vo jā kar kis kā ham khānā huā

dasht-e-tanhā.ī meñ kal raat havā kaisī thī
der tak TūTte lamhoñ kī sadā kaisī thī