Tags-Raat

havāoñ se uljhe shajar rāt-bhar
laraztā rahā merā ghar rāt-bhar

zarūr us meñ maazī ke aaseb haiñ
sisaktā bahut hai khañDar rāt-bhar

maiñ girtā huuñ bistar pe jab TuuT kar
udāsī dabātī hai sar rāt-bhar

balā ab mire shahr meñ aa.egī
ki rotā hai ik jānvar rāt-bhar

use bhī mirā ḳhauf Dastā rahā
mujhe bhī rahā us kā Dar rāt-bhar

din ne itnā jo marīzāna banā rakkhā hai
raat ko ham ne shifā-ḳhāna banā rakkhā hai

raat jo kuchh mujhe detī hai sahar se pahle
vaqt ke gahre samundar meñ utaar aatā huuñ

raat kī saarī haqīqat din meñ uryāñ ho ga.ī
ḳhvāb kī ta.abīr paḌh kar aañkh hairāñ ho ga.ī

vo añdherī raat kī chaap thī
jo guzar ga.ī

raat aisī ki kabhī jis kā saverā na huā
dard aisā ki koī jis kā masīhā na huā

vo mire ghar rahe mehmān baḌī mushkil se
raat nikle mire armān baḌī mushkil se

tere ḳhvāboñ kī lat lagī jab se
raat kā intizār rahtā hai

itnī siyāh-rāt meñ itnī sī raushnī
ye chāñd vo nahīñ mirā mahtāb aur hai

nuur ke taḌke maiñ ne dekhī pankhuḌiyoñ par os
tāroñ ke motī chuntī hai saarī raat kapās

baaġh meñ kal raat phūloñ kī havelī luT ga.ī
chashm-e-shabnam se churā kar le gayā ThanDak koī

ye daraḳhtoñ ke saa.e jo chup-chāp haiñ ham mohabbat-zadoñ ke ye hamrāz haiñ
ab yahīñ dekhnā raat pichhle pahar do dhaḌakte diloñ kī sadā aa.egī

jalva-e-husn se hai sūrat-e-auqāt na.ī
din nayā sub.h na.ī shaam na.ī raat na.ī

chāñd-tāroñ meñ nayā nuur umaD aatā hai
'charḳh' vo aate haiñ aatī hai nazar raat na.ī

umiid bhī tire aane kī aaj kam hai idhar
ye dil kā dard bhī kal raat se ziyāda hai

aaj kī raat bhī tanhā hī kaTī
aaj ke din bhī añdherā hogā