Tags-Raat

raat din ye jo sulūk ham se kiyā karte ho
dil meñ kyā jāniye kyā tum ne hai Thānī jaanī

mah-rū na ho aur chāñdnī vo raat hai kis kaam kī
ho vo bhī par ḳhalvat na ho ye baat hai kis kaam kī

mat pūchh kis tarah se kaTī raat hijr kī
har naala merī jaan ko teġh kashīda thā

dil-e-be-qarār girya-e-ḳhūnīñ thā raat 'mīr'
aayā nazar to bismil dar-e-ḳhūñ tapīda thā

tere bistar pe mirī jaan kabhī
be-karāñ raat ke sannāTe meñ

pichhle baras tum saath the mere aur december thā
mahke hue din-rāt the mere aur december thā

chāñdnī-rāt thī sard havā se khiḌkī bajtī thī
un hāthoñ meñ haath the mere aur december thā

paḌā huā huuñ shaam se maiñ usī bāġh-e-tāza meñ
mujh meñ shāḳh nikal aa.ī hai raat kī raanī kī

kaun dekhegā yahāñ din ke ujāloñ kā sitam
ye sitāre to chale jā.eñge sab raat ke saath

fōt-pāth pe bhī sone na diyā tire shahr ke izzat-dāroñ ne
ham kitnī duur se aa.e the ik raat basar karne ke liye

raat oḌhe hue aa.ī hai faqīroñ kā libās
chāñd kashkol-e-gadā.ī kī tarah nādim hai

andhī raat ke aate hī
sab chup-chāp se ik goshe meñ simaT ga.e

añdherī raat kā dil chīrtā ho jaise koī
chalā hai le ke hathelī pe koī sar kā charāġh

isī ḳhayāl meñ din-rāt maiñ taḌaptā huuñ
tumhīñ qarār bhī doge jo be-qarār kiyā

kyūñki na aadhī aadhī raat jaage vo jis kā dhyān ho
āhu-e-nīm-ḳhvāb meñ nargis-e-nīm-bāz meñ

ye tīrgī to bas ik gardish-e-zamīñ tak hai
magar ye raat jo ham se na kaT sakī phir bhī

jis raat khulā mujh pe vo mahtāb kī sūrat
vo raat sitāroñ kī amānat hai sahar tak

jahān bhar kī tamām āñkheñ nichoḌ kar jitnā nam banegā
ye kul milā kar bhī hijr kī raat mere girye se kam banegā

Dūbne vaale ko tinke kā sahārā hai bahut
raat tārīk sahī ek sitārā hai bahut

dekhnā jazb-e-mohabbat kā asar aaj kī raat
mere shāne pe hai us shoḳh kā sar aaj kī raat