Tags-Raat

din se bichhḌī huī bārāt liye phirtī hai
chāñd tāroñ ko kahāñ raat liye phirtī hai

dil se rahte haiñ mashvare din raat
ham-suḳhan ham-zabāñ mile na mile

'nāsir' ham ko raat milā thā tanhā aur udaas
vahī purānī bāteñ us kī vahī purānā rog

raat ko sone se pahle
mujh se nanhā kah rahā thā chāñd lākhoñ miil kyūñkar duur hai

terī yādoñ kā ik hujūm bhī hai
aaj kī raat maiñ nahīñ tanhā

ye kah ke hameñ chhoḌ ga.ī raushnī ik raat
tum apne charāġhoñ kī hifāzat nahīñ karte

kaT hī jā.egī ye bhī ai 'bāqar'
hijr kī raat dā.imī to nahīñ

ret uḌtī hai sujhā.ī nahīñ detā kuchh bhī
kaT sakegī kabhī ye raat sahar se pūchho

'nīlam' amal ke jalte charāġhoñ ko rakhnā saath
kuchh raushnī to chāhiye is raat ke liye

kyā sulagtī raat hai mere nadīm
ātishīñ shorish-zada tere ḳhayāl

chand jazbe jañg meñ mashġhūl the
rāt-bhar maiñ so na paayā shor se

raat bhar phir hijr kā mausam rahā
jis ko aanā thā vo ḳhvāb aayā nahīñ

koī palkoñ se utartī raat ko roke zarā
shaam kī dahlīz par ik saaya hai sahmā huā

tilism-zār-e-shab-e-māh meñ guzar jaa.e
ab itnī raat ga.e kaun apne ghar jaa.e

muñh khole to roz hai raushan zulf bikhere raat hai phir
in tauroñ se āshiq kyūñ-kar sub.h ko apnī shaam kareñ

chāñdnī raat meñ vo maah jo yaad aatā hai
kāTne dauḌte haiñ mujh ko dar-o-bām safed

kahīñ kahīñ koī taara kahīñ kahīñ jugnū
jo merī raat thī vo aap kā saverā hai

na aap aa.e na bedād-e-intizār ga.ī
ye raat phir mirī āñkhoñ se aaj haar ga.ī

chāñd utar aayā hai mere ḳhvāboñ kī añgnā.ī meñ
ghūñghaT vaalī raat kā jaadū dil pe chalā hai pahlī baar

sharīk-e-daur-e-mai bazm-e-adū meñ ḳhaak hote ham
kisī ne rāt-bhar itnā na pūchhā tum yahāñ kyuuñ ho