Tags-Raat

band hī miltā hai darvāza
raat ga.e jab ghar jaatā huuñ

kitne dinoñ kī dahlīzoñ se
raat ke saath guzar jaatā huuñ

hijr kī shab nāla-e-dil vo sadā dene lage
sunñe vaale raat kaTne kī duā dene lage

shafaq-e-sub.h se tābinda saman-zār se pūchh
raat kaaTī sū-e-gardūñ-nigrāñ bhī ham ne

aaj kī raat mujhe hosh meñ rahne do abhī
aaj kī raat koī āñkhoñ se pilā.egā mujhe

kaun hai vo jo ḳhvāb ban ban kar
merī āñkhoñ meñ raat bhar jaage

bachā rahā thā jo kal raat kaalī āñdhī se
vo phal chaḌhā huā har shaḳhs kī nazar par hai

maiñ jhuuT kaise kahūñ sach to kah nahīñ saktā
kuchh hāshiya bhī lagā raat kī ḳhabar par hai

siyāh-rāt kī tārīkiyāñ bajā lekin
navelī sub.h ke manzar ajab suhāne haiñ

kahāñ the raat ko ham se zarā nigāh mile
talāsh meñ ho ki jhūTā koī gavāh mile

hosh o ḳhirad ke phere meñ umr-e-azīz sarf kī
raat to kaT ga.ī yahāñ dekhiye ho sahar kahāñ

'nasīm' gaañv kī masjid meñ raat kāTegā
ik ajnabī sā musāfir hai kis ke ghar jaa.e

vo safar ko apne tamām kar, ga.ī raat ā.eñge lauT kar
ye 'nasīm' maiñ ne sunī ḳhabar to maiñ shaam hī se sañvar ga.ī

jaag kar raat jab guzārnī ho
DhūñD letā huuñ kām-kāj koī

shām-e-tarab ke lamho is ko mat āvāzeñ diyā karo
raat ne apne sar par ġham kā bojh uThāyā hotā hai

sar ko phoḌā kiye patthar se samundar se laḌe
sub.h yuuñ shaam huī shaam se yuuñ raat huī

din raat ke dekhe hue manzar se alag hai
ye lamha to maujūd o mayassar se alag hai

kaT gayā din kā dahaktā huā sahrā bhī to kyā
raat ke gahre samundar meñ utarnā hai abhī

al-jaj.hanī āshuftagī āmādgī
raat bhar kaale savāloñ ke nagar meñ ghuum phir kar

surāġh-e-mehr-o-ulfat ġhair ke dil meñ na pā.eñge
abas vo raat din is sa.ī-e-be-hāsil meñ rahte haiñ