Tags-Raat

haañ, vahī, vo ajiib sā shā.er
raat ko uTh ke kuhniyoñ ke bal

ye raushnī shā.ista ujāloñ kā hai dhoka
ai dost abhī ḳhatm kahāñ raat huī hai

dil ko ab hijr ke lamhāt meñ Dar lagtā hai
ghar akelā ho to phir raat meñ Dar lagtā hai

sub.h ke is hijāb ne maarā
raat bhar aise be-hijāb rahe

haTtā nahīñ jo sāmne se us ke raat din
ham se sivā hai tālib-e-dīdār aa.ina

raat kā husn bhalā kab vo samajhtā hogā
chāñd be-faiz añdheroñ meñ nikaltā hogā

aa rahī thī band kaliyoñ ke chaTakne kī sadā
maiñ sarāpā gosh ho kar raat bhar suntā rahā

niiñd ke paas ek raat hai
mere paas ek kahānī hai

ik chāñd chamak kar chalā gayā phir kitnī ghaḌiyāñ guzar ga.iiñ
mujh ko to kuchh bhī ḳhabar na thī kab raat huī kab sahar huī

palkoñ pe jhūltī huī shaffāf chilmaneñ
kal raat merā un se ajab silsila rahā

bāda-e-nūr ke do qatre haiñ ye raat aur din
aañkh be-ant kī gahrā.ī kā paimāna hai

hamārī jiit huī hai ki donoñ haare haiñ
bichhaḌ ke ham ne ka.ī raat din guzāre haiñ

aañkh khulte hī na vo thā na charāġhāñ na ḳhumār
raat guzrī thī kisī chāñd se mehmāñ ke qarīb

furqat-e-dildār meñ jo raat bhar aa.ī na thī
vasl meñ aatī huī āñkhoñ sharmātī hai niiñd

ajiib baat hai dil Duub Duub jaatā hai
ajiib raat hai bujhtā hai baar baar diyā

band kar le khiḌkiyāñ yuuñ raat ko bāhar na dekh
Dūbtī āñkhoñ se apne shahr kā manzar na dekh

kyā aa.ī thiiñ hūreñ tire ghar raat ko mehmāñ
kal ḳhvāb meñ ujḌā huā firdaus-e-barīñ thā

saare din kī thakī,
vīrān aur be-masraf raat ko

kal vāqif-e-kār apne se kahtā thā vo ye baat
'jur.at' ke jo ghar raat ko mehmān ga.e ham

jis din ke guzarte hī yahāñ raat huī hai
ai kaash vo din maiñ ne guzārā nahīñ hotā