Tags-Raat

ik siyah-rāt ta.āqub meñ lagī rahtī hai
najm-o-mahtāb mire saath safar karte haiñ

mujh ko sone na diyā ashk-fishānī ne mirī
raat bhar ginte rahe charḳh ke taare aañsū

shab-e-ġham chhāyā jaatā hai dhuāñ aahoñ ke sho.aloñ se
sitāre TūTte haiñ raat kaalī hotī jaatī hai

paḌh rahī haiñ raat kī ḳhāmoshiyāñ afsūn-e-ḳhvāb
tham gayā hai ik piano bajte bajte baam par

ye pichhlī raat ye ḳhāmoshiyāñ ye Dūbte taare
nigāh-e-shauq bahkī phir rahī hai iltijā ho kar

vo nazar aatā hai mujh ko maiñ nazar aatā nahīñ
ḳhuub kartā huuñ añdhere meñ nazāre raat ko

abhī raat kuchh hai baaqī na uThā naqāb saaqī
tirā rind girte girte kahīñ phir sambhal na jaa.e

rāt-bhar baiThā rahā meñ thaam kar yādoñ kā haath
dil ko ḳhadsha thā ki maiñ tujh se judā ho jā.ūñgā

din Dhal chukā hai to maiñ yahī raat le chalūñ
gar vo nahīñ to us kī koī baat le chalūñ

vo raat kitnī ajiib thī
kaT nahīñ rahī thī

har har qadam charāġh kahāñ tak jalāo.ge
tārīkiyāñ to din kī bhī vārid haiñ raat par

bāhar ye chāhe jaisī ho ghar meñ to adab se aatī hai
jab aadhī raat guzar jaa.e parvīn club se aatī hai

parfum dubai se aatā hai tasbīh arab se aatī hai
jab aadhī raat guzar jaa.e parvīn club se aatī hai

jab us ko nashsha chaḌhtā hai ghar meñ ye ġhazab sī aatī hai
jab aadhī raat guzar jaa.e parvīn club se aatī hai

ik hashr bapā hotā hai jab paanī ke tub se aatī hai
jab aadhī raat guzar jaa.e parvīn club se aatī hai

sab apnī mohabbat vāpas lo āvāz ye rab se aatī hai
jab aadhī raat guzar jaa.e parvīn club se aatī hai

kahāñ zamīñ ke za.iif ziine pe chal rahī hai
ye raat sadiyoñ se mere siine pe chal rahī hai

ek tahrīr jo us ke hāthoñ kī thī
baat vo mujh se kartī rahī raat bhar

raat Dhalte hī ik āvāz chalī aatī hai
bhuul bhī jaao ki maiñ ne tumheñ chāhā kab thā

raat bhar dard kī sham.a jaltī rahī
ġham kī lau thartharātī rahī raat bhar