Tags-Raat

so chuke the chand hī ghanToñ meñ arbāb-e-nashāt
sub.h tak thā saath vo ārām-e-jāñ kal raat ko

rañg-e-sahbā chashm-e-nargis meñ thā 'āsī' vaqt-e-sub.h
jāgne se ho rahī thiiñ ḳhūñ-fishāñ kal raat ko

dil kī be-tābī Thaharne nahīñ detī mujh ko
din kahīñ raat kahīñ sub.h kahīñ shaam kahīñ

hijr kā haal kyā batā.eñ 'vaqār'
kaise din guzrā kaise raat na pūchh

raat ke kisī pahar āsār-e-qadīma ke ek māhir kī aañkh khul jaatī hai
vo lakḌī ke vaznī sandūq se kitāb nikāltā hai

apne kūche meñ fuġhāñ jis kī suno ho har raat
vo jigar-e-soḳhta o sīna-jalā maiñ hī huuñ

bastī meñ ik charāġh ke jalne se raat bhar
kyā kyā ḳhalal paḌā hai sitāroñ ke kaam meñ

na aatī thī kahīñ dil meñ nazar aag
magar phir bhī jalī hai raat bhar aag

vo dil par haath rakh kar ga.e haiñ
ki ab jalne na paa.e raat bhar aag

na jalne paate the jis ke chūlhe bhī har savere
sunā hai kal raat se vo bastī bhī jal rahī hai

sham-e-shab-tāb ek raat jalī
jalne vaale tamām umr jale

tamām-rāt sitāre hamīñ ko dekhte the
tilism-e-zāt se nikle to ye jahāñ na rahā

raat kī shāḳh hilī aur gire piile phuul
dard ke peḌ ne yuuñ ham ko kamā.ī dī hai

halqa-e-gesū-e-shab ko zarra-e-afshāñ chunī
raat ko chun chun ke ik ik daañt toḌā saañp kā

samajh ke farz kabhī din ko raat mat karnā
guzarte lamhoñ se taqsīm zaat mat karnā

raat hamārī maañ jaisī hai
niiñd hamārī aañkh meñ rakh kar

havā.eñ phirtī haiñ rastoñ meñ baal khole hue
ye raat sar pe khaḌī hai koī azaab liye

koī jugnū koī dīpak kiran ho yā sitāra ho
safar meñ raat aa pahuñchī koī to ab hamārā ho

nahīñ hai sahl use kaaT lenā āñkhoñ meñ
kuchh aur maañg mirī raat māñgne vaale

raat kyā tujh ko ḳhvāb meñ dekhā
sub.h-e-tābīr hañs paḌī mujh meñ