Tags-Raat

kī qat.a abas zulf na thā koī giraftār
tanhā rahe be-lutf kaTī raat tumhārī

akasr raat ga.e tak maiñ chaukhaT par baiThā rahtā huuñ
cigarette piitā chāñd ko taktā man meñ biktā rahtā huuñ

marmar kā patthar ban jaatī hai jab puure chāñd kī raat
apnī nazroñ kī chhīnī se mūrateñ ghaḌtā rahtā huuñ

mazkūr rahe hai dard-o-ġham kā
din raat yahī fasāna hai yaañ

udaas yādoñ kī muzmahil raat biit bhī jā
ki merī āñkhoñ meñ ab lahū hai na ḳhvāb koī

mire badan meñ chubh rahī thiiñ sūiyāñ sī raat bhar
sahar huī to lutf-e-iztirāb koī le gayā

har din sitam-ījād hai har raat siyah-fām
yārab ye tirī anjuman-ārā.ī ajab hai

ho ga.ī ḳhatm ik kiran ke saath
raat bhī niiñd bhī kahānī bhī

ḳhvāb dekhā thā ki thā vasl kī shab kā sāmān
jashn thā raat ko hañgām-e-sahar kuchh bhī nahīñ

pakke gharoñ ne niiñd bhī āñkhoñ kī chhīn lī
kachche gharoñ meñ raat ko ham jāgte na the

baat vo aadhī raat kī raat vo puure chāñd kī
chāñd bhī ain chait kā us pe tirā jamāl bhī

hiseñ āñchal meñ pinhāñ kahkashā.eñ raat hone par
ghanī zulfoñ pe raqsāñ dilrubā manzar banātī haiñ

raat ko ārām se huuñ maiñ na din ko chain se
haa.e haa.e vahshat-e-dil haa.e haa.e dard-e-dil

ab chalo raat hai 'bābar'
shaam kī chhab ḳhudā-hāfiz

aaj kī raat bhī tanhā hī kaTī
aaj ke din bhī añdherā hogā

raat ke dāman meñ raushan hai kitne jugnū
lekin ik mahtāb kī ab bhī gunjā.ish hai

raat thā vasl aaj hijr kā din
kuchh zamāne kā e'tibār nahīñ

kis kī zulfoñ ke pech-o-tāb se hai
raat din merī pech-o-tāb meñ jaan

vo bhī kyā raat thī ki sotā thā
sar rakhe us kanār meñ koī

aadhī raat huī to ġham ne chupke se dar khol diye
ādhoñ ne to aañkh na kholī aadhe aaj guzāre log