Tags-Raat

pathrīlī sī shaam meñ tum ne aise yaad kiyā jānam
saarī raat tumhārī ḳhātir maiñ ne zahr piyā jānam

ye sāhab jin se mil kar sab kā jī ḳhush ho jaatā hai
raat ga.e tak un ke kamre meñ jaltā hai kyā jānam

tez jab gardish-e-hālāt huā kartī hai
raushnī din kī siyah raat huā kartī hai

jaltā rahtā hai charāġhoñ meñ rifāqat kā lahū
hijr kī raat bhī kyā raat huā kartī hai

dil ujḌī huī ek sarā.e kī tarah hai
ab log yahāñ raat jagāne nahīñ aate

raat aa.e mirī haDDiyāñ jāgeñ
din jaage maiñ so.uuñ

bikhar ga.e the mire gird dard ke sikke
tumhārī yaad kī gullak ko raat toḌā thā

na vo zamīñ na vo falak na ab vo kā.enāt hai
vo zindagī hī ab nahīñ na din hai vo na raat hai

phir se ik raat kaT ga.ī hogī
phir se ik raat aa rahī hogī

aa ga.e ho to raho saath sahar hone tak
ham bhī shāyad haiñ yahī raat basar hone tak

jab us kā raat kā nashsha utarne vaalā thā
ġhamoñ ko ghol ke ham ne use pilā.e din

niiñd be-ḳhvāb chāhte the ham
raat be-rañg chāhte the ham

baar baar ākāsh ne kī ātish-bāzī
raat manāyā ham ne jashn-e-tārīkī

raat gahrī thī phir bhī saverā sā thā
ek chehra ki āñkhoñ meñ Thahrā sā thā

ye raat guzre to dekhūñ taraf taraf kyā hai
abhī to mere liye sab kuchh āsmāñ meñ hai

aa jaa.e na raat kashtiyoñ meñ
pheñko na charāġh pāniyoñ meñ

vidā.ī ke baad kī raat aa.ī thī
maiñ pahlī baar pyaar se kuchh yuuñ sharmā.ī thī

biitī raat kā phir intizār rukā
ek dam se mere kamre kā darvāza khulā

kuchh ḳhabar hai tujhe o chain se sone vaale
raat bhar kaun tirī yaad meñ bedār rahā

na maiñ ne kuchh kahā tujh se na tū ne mujh se kuchh pūchhā
yūñhī din raat milte mujh ko tujh ko merī jaañ guzrā