Tags-Raat

suneñ bām-o-hosh pe jā ke kyuuñ tirī 'mullā' āyat-e-be-maza
abhī koī ishq meñ raat ko vo ġhazal sunī ki phaḌak ga.e

mujhe apne zabt pe naaz thā sar-e-bazm raat ye kyā huā
mirī aañkh kaise chhalak ga.ī mujhe rañj hai ye burā huā

hañs hañs ke kah rahā hai ye raat kā darīcha
ab guuñj ubhar rahī hai lab sī liye to kyā hai

niiñd ke badle tasallī hī sahī aatī to hai
dil se bāteñ karte karte raat kaT jaatī to hai

in ko behis jaan na saaqī avval-e-shab hai bāda-nosh
raat Dhale mahsūs kareñge shīshe kī jhankār bahut

vaqt kā aisā ye jazīra hai
jahāñ din aur raat kuchh bhī nahīñ

jaane kis raah pe kuchh bhuuk se sahme bachche
raat ko apne makānoñ se nikal jaate haiñ

sub.h-dam chhoḌ gayā nik.hat-e-gul kī sūrat
raat ko ġhuncha-e-dil meñ simaT aane vaalā

kab milegī mujh ko 'sārim' is aziyyat se najāt
zehn-o-dil kī kashmakash meñ raat din uljhā huuñ maiñ

saudā.iyoñ ko thī tirī uljhan balā kī raat
zulf-e-dotā kā tūl-o-tavīl ik fasāna thā

ye juuñ juuñ va.ade ke din raat paḌte jaate haiñ
ghaḌī ghaḌī meñ mirā jī kaTe hai kyā kiije

aa mire chāñd raat suunī hai
baat bantī nahīñ sitāroñ se

raat ke pahlū meñ phailā dījiye zulf-e-darāz
yūñhī kuchh tūl-e-sab-e-bīmār kam kar dījiye

charāġh jalne lageñ aur dil machalne lage
udhar ho raat udhar koī jī ko malne lage

tamām-rāt dhuāñ sā uchhāltī rahī raat
rukī to ThiThure hue hāth-pāoñ jalne lage

añdherī raat se Dartā hai mīr-e-kārvāñ ho ke
añdherā hai to apne dāġh-e-dil kī raushnī phailā

saḳht pathrāv thā kal raat tirī bastī meñ
din nikalne pe ye dekheñge ki sar kaisā hai

koī kāfir hī nahīñ juz nafs ḳhud is dahr meñ
pas isī kāfir ke sar ko raat din tū kuuT kuuT

kare vo raat kī mānind daaġh daaġh mujhe
maiñ rañg rañg karūñgā use sahar kī tarah

is safar meñ niiñd aisī kho ga.ī
ham na so.e raat thak kar so ga.ī