Tags-Raat

raat jab javāñ huī jab diyoñ ke sar uThe
tab havā bhī aur kuchh tez-gām ho ga.ī

maiñ raat ke ghaaT par utar kar kisī sitāre meñ Duub jaatā
magar mire rū-ba-rū dharā hai ye aa.ina sub.h-e-nīlmīñ kā

jism kī dahlīz par dastak sī hai mahtāb kī
kyā badan is raat merā āsmāñ ho jā.egā

dil kī sham.eñ jalā rakho pyāre
aadh raste meñ raat bhī hogī

pāsbānoñ ke havāle bastiyāñ hoñgī agar
jāgne kā raat bhar elaan hotā jā.egā

raat hone do yahāñ par barhanā.ī chhā.egī
vo havas meñ dekhnā haivān hotā jā.egā

ye kis kī chaap dar-e-dil pe roz suntā huuñ
ye kis kā dhyān mujhe rāt-bhar satātā hai

kis tarah barf-bharī raat guzārī hogī
maiñ bhī maujūd na thā yār-e-tarah-dār ke paas

kin kin musībatoñ se huī sub.h shām-e-hijr
so zulfeñ hī banāte use raat ho ga.ī

ḳhurshīd sā pyāla-e-mai be-talab diyā
pīr-e-muġhāñ se raat karāmāt ho ga.ī

kuchh to sauġhāt duuñ ghar vāloñ ko
raat āñkhoñ meñ sajā le jā.ūñ

guzishta raat ka.ī baar dil ne ham se kahā
ki ho na ho ye ghuTan āḳhirī malāl kī hai

tum bhī aaoge mire ghar jo sanam kyā hogā
mujh par ik raat karoge jo karam kyā hogā

hameñ ḳhabar hai vo mehmān ek raat kā hai
hamāre paas bhī sāmān ek raat kā hai

kāñdhe jhuke jā rahe haiñ
qad mirā raat din ghaT rahā hai

guzar jā.egī saarī raat is meñ
mirā qissa kahānī se baḌā hai

raat ke pichhle pahar rone ke aadī ro.e
aap aa.e bhī magar rone ke aadī ro.e

añdherī raat bhayānak khañDar muhīb fazā
bhaTak rahā huuñ ajal ke siyāh-ḳhānoñ meñ

ik dastak kī rim-jhim ne andeshoñ ke dar khol diye
raat agar ham so jaate to sapnā dekhne vaale the

chāñdnī-rāt meñ bulā.ūñ tujhe
dhaḌkaneñ dil kī maiñ sunā.ūñ tujhe