Tags-Raat

chāñd sitāroñ kī khetī kar raat kī banjar dhartī par
aañkh ke is sūkhe dariyā se ḳhvāboñ kī ta.abīr nikāl

charāġh se kabhī tāroñ se raushnī māñge
añdherī raat bhī kis kis se zindagī māñge

''aap kī yaad aatī rahī raat bhar''
chāñdnī dil dukhātī rahī raat bhar

gaah jaltī huī gaah bujhtī huī
sham-e-ġham jhilmilātī rahī raat bhar

koī ḳhushbū badaltī rahī pairahan
koī tasvīr gaatī rahī raat bhar

phir sabā sāya-e-shāḳh-e-gul ke tale
koī qissa sunātī rahī raat bhar

jo na aayā use koī zanjīr-e-dar
har sadā par bulātī rahī raat bhar

ek ummīd se dil bahaltā rahā
ik tamannā satātī rahī raat bhar

'sabā' ye un se kaho ki mujh pe navāzisheñ be-hisāb likhnā
mire muqaddar meñ niiñd likhnā na raat likhnā na ḳhvāb likhnā

nāchte haiñ ye bhayānak saa.e āḳhir kis liye
zer-e-lab kyā kah rahī hai raat sūraj se kaho

reñgte haiñ naag andeshoñ ke sāñsoñ meñ yahāñ
Dhalne meñ aatī nahīñ hai raat sūraj se kaho

tanhā.iyoñ kī raat baḌī duur tak ga.ī
chhoTī sī ek baat baḌī duur tak ga.ī

kyā kahūñ din ko kis qadar royā
raat dilbar ko dekh ruuyā meñ

shaam kajlā.ī huī raat abhāgan jaisī
rut nahīñ aatī kisī gaañv meñ sāvan jaisī

raat kī vaishyā laakh āñkhoñ meñ kājal paare
sub.h maañg apnī sajā.egī suhāgan jaisī

ik muntazir-e-va.ada kī sham.a jalī hogī
sūraj ke nikalne se kyā raat Dhalī hogī

kal raat jo maiñ guzrā ik nuur kā taḌkā thā
'masrūr' batāo to vo kis kī galī hogī

raat bhar jis kī tamannā meñ jale haiñ ham log
vo sahar shaiḳh kī nazroñ meñ hai kuffār kī baat

ye bastī raat kā kis tarah sāmnā karegī
yahāñ kisī ne bhī din meñ diyā banāyā nahīñ

gul-dānoñ meñ saje hue phūloñ ko maiñ ne
raat apnī āġhosh meñ le kar itnā bhīñchā