Tags-Raat

raat us ke sāmne mere sivā bhī maiñ hī thā
sab se pahle maiñ gayā thā dūsrā bhī maiñ hī thā

vaqt ke mehrāb meñ jo be-sabab jaltā rahā
raat ne mujh ko batāyā vo diyā bhī maiñ hī thā

maiñ talḳhī-e-hayāt se ghabrā ke pī gayā
ġham kī siyāh raat se ghabrā ke pī gayā

ranjisheñ merī aur us gul kī
raat din meñ hazār hotī haiñ

āñkheñ us kī laal huiiñ haiñ aur chale jaate haiñ sar
raat ko daarū pī soyā thā us kā sub.h ḳhumār hai aaj

raat kā pahnā haar jo ab tak din ko utārā un ne nahīñ
shāyad 'mīr' jamāl-e-gul bhī us ke gale kā haar hai aaj

kī ḳhatā tum ne ki ham ne use kal socheñge
aaj kī raat to ye chhoḌiye saarī bāteñ

tārīk rāste kā musāfir nahīñ hai vo
jo tere gesuoñ ko siyah raat kah gayā

gile shikve kahāñ tak hoñge aadhī raat to guzrī
pareshāñ tum bhī hote ho pareshāñ ham bhī hote haiñ

fasurda raat sitāroñ ke qāfiloñ ko liye
ḳhamosh rāhoñ kī ḳhvābīda mastiyoñ ko salām

tamām dahr pe sāya-fagan ye raat jise
kiyā hai maiñ ne muqaddar ḳhayāl-e-ġhamgīñ kā

jo zulmat meñ bhī tanvīr-e-haqīqat dekhnā chāhe
vo merī tarah pichhlī raat se bedār ho jaa.e

har qadam ḳhaak meñ kuchh ḳhvāb milāte rahnā
hijr kī raat yahī shaġhl mazā detā hai

mirī raat guzar rahī thī aise
maiñ jaise varaq ulaT rahā thā

mai-ḳhāne meñ hai shab ke guzarne kā ye aalam
mahsūs ye hotā hai abhī raat huī hai

phuul se rūThtī hai kab ḳhushbū
raat se rūThtā hai kab jugnū

kisī kī yaad meñ āñkheñ haiñ DabDabā.ī huī
'shamīm' bhiig chalī raat aao so jaa.eñ

raat kuchh achchhī guzar jaatī hai
chāñd ko chhat pe bulā lene se

sochtā huuñ ki us kī yaad āḳhir
ab kise raat bhar jagātī hai

raat ḳhud par ro rahī hai
sub.h shāyad ho rahī hai