Tags-Rahbar

nāshād vatan afsos tirī qismat kā sitāra TuuT gayā
uñglī ko pakaḌ kar chalte the jis kī vahī rahbar chhūT gayā

aah vo manzil jo merī ġhaflatoñ se gum huī
haa.e vo rahbar jo mujh ko raah se bhaTkā ga.e

ḳhudā kā naam koī le to chauñk uThte haiñ
mile haiñ ham ko vo rahbar ḳhudā ke raste meñ

kahīñ zulmatoñ meñ ghir kar hai talāsh-e-dasht-e-rahbar
kahīñ jagmagā uThī haiñ mire naqsh-e-pā se rāheñ

ab apnā iḳhtiyār hai chāhe jahāñ chaleñ
rahbar se apnī raah judā kar chuke haiñ ham

bas is liye rahbar pe nahīñ mujh ko bharosa
buddhū hai vo ḳhud raah bhaTak jaa.e to kyā ho

ab kisī rahbar-e-manzil kī tamannā bhī nahīñ
maiñ akelā huuñ musāfir mirī manzil tanhā

daroġh-goī ko sachchā.ī kā payām kahūñ
jo rāhzan hai use rahbar-e-avām kahūñ

ik zarā sī baat hī kar luuñ to kyā ho jā.egā
bas yahī nā aap sā rahbar ḳhafā ho jā.egā

ab apnā iḳhtiyār hai chāhe jahāñ chaleñ
rahbar se apnī raah judā kar chuke haiñ ham

na zād-e-rāh na rahbar na mezbāñ na sarā.e
ham aise bādiya-gardān-e-be-navā ke liye

na pata sañg-e-nishāñ kā na ḳhabar rahbar kī
justujū meñ tire dīvāne yahāñ tak pahuñche

ham-nafas tum the tum hī dil-bar the
ham-safar tum the tum hī rahbar the

haiñ ḳhirqa-o-ammāma vahāñ pīr-e-tarīqat
yaañ kufr-o-sanam hādī-o-rahbar hue maḳhsūs

'majrūh' qāfile kī mire dāstāñ ye hai
rahbar ne mil ke luuT liyā rāhzan ke saath

niyyat jo bāñdh lī to chalā maiñ huzūr meñ
rahbar mirī namāz mirī rahnumā namāz

jo har manzil meñ rahbar thā vo ab bhī saath hai varna
yahāñ har gaam par laġhzish kā imkāñ hai jahāñ maiñ huuñ

jaane is rah-rav kī nazreñ kaun sī manzil pe hoñ
ek kāñTā sā khaTakte haiñ dil-e-rahbar meñ ham

na ham-safar nā koī naqsh-e-pā nā rahbar hai
junūñ kī raah meñ kuchh hai to jaan kā Dar hai

ham apne rahzan o rahbar the lekin sāda-lauhī se
kisī ko rāhzan samjhe kisī ko rāhbar jaanā