Tags-Rahbar

raah meñ kho jaanā hai behtar
raahī ko rahbar se ḳhatra

ye rahbar haiñ ki rahzan haiñ masīhā haiñ ki qātil haiñ
hameñ apne numā.indoñ kā andāza nahīñ hotā

yaqīnan rahbar-e-manzil kahīñ par rāstā bhūlā
vagarna qāfile ke qāfile gum ho nahīñ sakte

jin ko manzil na rāste kā pata
aise rahbar hameñ mile haiñ bahut

rahbar ho ki shā.er ho kyā apnī ḳhabar us ko
ḳhud kuchh bhī nahīñ sīkhā duniyā ko sikhāyā hai

libās-e-sub.h meñ hai koī rahbar-e-sādiq
jagā rahī hai añdhere ko raushnī kī pukār

vahī hotī hai rahbar jo tamannā dil meñ hotī hai
ba-qadr-e-himmat-e-rah-rau kashish manzil meñ hotī hai

ai dost mohabbat ke sadme tanhā hī uThāne paḌte haiñ
rahbar to faqat is raste meñ do gaam sahārā dete haiñ

sub.h uTh kar tujhe rah-rau se lipaTnā hogā
rahbar-e-tīra-darūñ raat guzar jā.egī

rahbar-e-qaum samajh le ye haqīqat hai baḌī
qaum chhoTī hai magar is kī rivāyat hai baḌī

is tarah rahbar ne luuTā kārvāñ
ai 'fanā' rahzan ko bhī sadma huā

rahbar lage haiñ karne yahāñ rahbarī kā kaam
raahe har ek rāsta dushvār ho gayā

merī āñkheñ aur us kī ḳhāk-e-pā
tere kūche kā agar rahbar mile

kah rahā hai jaras-e-qalb ba-āvāz-e-buland
gum ho rahbar to abhī rāh-e-ḳhudā paidā ho

haiñ kahte nānak shaah jinheñ vo puure haiñ āgāh gurū
vo kāmil-e-rahbar jag meñ haiñ yuuñ raushan jaise naah gurū

karam-e-rahbar-e-sādiq ke nisār ai 'muztar'
zindagī saḳht marāhil se guzar aa.ī hai

ai jān-e-girāñ sair tirā rahbar-o-rahzan
hai kaun agar vaqt-e-subuk-e-gām nahīñ hai

ham-safar DhūñDo na rahbar kā sahārā chāho
Thokareñ khāoge to ḳhud hī sambhal jāoge

rahzan ho to phir saath chale aate ho kyūñkar
rahbar ho to manzil kā pata kyoñ nahīñ dete

libās-e-sub.h meñ hai koī rahbar-e-sādiq
jagā rahī hai añdhere ko raushnī kī pukār