Tags-Rang

dekh kar merā dasht-e-tanhā.ī
rañg-e-rū-e-bahār utrā hai

mujh ko har lamha na.ī ek kahānī degā
har kahānī meñ tirā rañg dikhā.ī degā

hayāt ḳhvāb-gahoñ meñ panāh DhūñDtī hai
fasurda lamhe ḳhalāoñ meñ rañg bharte haiñ

fasurda lamhe ḳhalāoñ meñ rañg bharte haiñ

kiyā thā ġhair niiñ ham-rañg ho kar vasl kā saudā
tumhārā dekh mukh kā āftāb us kā to dil dahlā

tulūa honā ufuq par mah-e-visāl sā kuchh
tire badan kā sar-e-shām rañg-o-bū honā

ye to achchhā hai kī be-rañg hai aañsū varna
kis qadar daaġh liye phirtā hamārā chehra

kyā ġhazab hai nigah-e-mast-e-mis-e-bāda-farosh
shaiḳh faanī meñ huā rañg-e-javānī paidā

ek be-chehra musāfir rañg oḌhe
dhund meñ chalte hue dekhā gayā hai

tursh-rūī kabhī hotī nahīñ itnī achchhī
aate hī rañg jamāte haiñ chale jaate haiñ

tasvīr kī har nok palak hai mire ḳhuuñ se
ik rañg huuñ maiñ aur tire ḳhvāboñ meñ ghulā huuñ

kyā jaane kitne hī rañgoñ meñ Duubī hai
rañg badaltī duniyā meñ jo yak-rañgī hai

ek pal meñ ye mirā rañg uḌā dete haiñ
raas aate nahīñ ḳhush-rañg libāde mujh ko

atā kiyā thā jo zauq-e-numūd us dil ko
to har qadam pe ye rañg-e-shikastagī kyā hai

DhūñDo to devtāoñ ke ādarsh haiñ bahut
par aadmī kā rañg kahāñ devtāoñ meñ

sadiyoñ ke rañg-o-bū ko na DhūñDo guphāoñ meñ
aao kisī se pūchho pata un kā gaañv meñ

sar-e-ḳhār se sar-e-sañg se jo hai merā jism lahū lahū
kabhī tū bhī to mire sañg-e-mīl kabhī rañg mere safar ke dekh

satā rahī hai dil-e-shab ko kal ke chāñd kī yaad
uḌā uḌā sā hai kuchh aaj rañg tāroñ kā

apnī ġhazloñ meñ jise rañg-e-quzah bharnā ho
vo 'mubārak' mirā ejāz-e-bayāñ le jaa.e

haiñ usī ke ye rañg-hā-e-suḳhan
mere pahlū meñ ḳhūb-rū hai vahī