Tags-Rang

thakan kī gard se ḳhush-rañg āhaToñ meñ aa
adāvatoñ ko bhulā de mohabbatoñ meñ aa

baat ye hai is baaġh meñ phuul se pattā honā achchhā hai
rañg aur ḳhushbū bāñToge to pahle rizq-e-havā hoge

Dūbtī aañkh meñ tasavvur sā
dhuup meñ rañg-e-be-hayāt kā maiñ

ye ġham kā rañg ye āb-e-malāl āñkhoñ meñ
azā kā jaise ho aks-e-hilāl āñkhoñ meñ

log kahte rahe sūraj ko dikhā.eñge charāġh
aur hī rañg thā jab sāmne aayā sūraj

havā-e-dasht bahut duur le ga.ī akasr
nahīñ asīr-e-chaman zauq-e-rang-o-bū merā

merā rañg ruup bigaḌ gayā mirā yaar mujh se bichhaḌ gayā
jo chaman ḳhizāñ se ujaḌ gayā maiñ usī kī fasl-e-bahār huuñ

bū mizājoñ se ga.ī rañg uḌe chehroñ ke
ḳhush yahāñ kaun mire dīda-e-bīnā se huā

savāl-e-vasl kartā huuñ ki chamkā.ūñ lahū dil kā
maiñ apnā rañg bharne ko kahānī maañg letā huuñ

shahr ke aare chalāte be-sure bad-rañg shor-o-ġhul se duur
paak rañgoñ kā sanam ābād

guloñ kā rañg sabā kā shi.ār laayā thā
vo ik bahār thā husn-e-bahār laayā thā

usī ne tarz-e-takallum kī chāshnī dī hai
usī ne ilm kī ḳhush-rañg zindagī dī hai

maiñ be-hunar thā magar sohbat-e-hunar meñ rahā
shu.ūr baḳhshā hama-rañg mahfiloñ ne mujhe

dhuup ke hāthoñ pe bai.at kar chukī haiñ Tahniyāñ
rañg saare sabz pattoñ kā sunahrā ho gayā

lafzoñ meñ kaisā rañg-e-ma.ānī dikhā.ī de
mere qalam meñ aaj ravānī dikhā.ī de

bahut se rañg bhī rakhte haiñ tāqat-e-parvāz
havā meñ sirf parinde nahīñ uḌā karte

aag se sabza kabhī aur kabhī naḳhl se aag
haiñ har ik rañg meñ nairañg dikhāte jaate

zinda huuñ to mujhe batā.eñ niile hoñToñ vaale log
merā kaisā rañg karegī baat jo maiñ ne pī lī hai

har ek rañg dhanak kī misāl aisā thā
shab-e-visāl tumhārā jamāl aisā thā

ab hashr tak hijāb-nashīñ hai nigāh-e-shauq
chhupnā thā rañg-e-hasrat-e-dīdār dekh kar