Tags-Rang

bahut hī sust thā manzar lahū ke rañg laane kā
nishāñ āḳhir huā ye surḳh-tar āhista āhista

maiñ ek muddat se is jahāñ kā asiir huuñ aur sochtā huuñ
ye ḳhvāb TūTegā kis qadam par ye rañg chhūTegā kab lahū se

baḌhā fikr meñ rañg zardi-e-ruḳh se
ye itr-e-gul-e-za.afrāñ khīñchte haiñ

kaise phāñdegā baaġh kī dīvār
tū giraftār-e-rañg-o-bū hai abhī

safar kā rañg o ruḳh ab tak vahī hai
munādī thī ki rahbar muḳhtalif hai

koī to thā dhanak dhanak ḳhvāb meñ yā ḳhayāl meñ
rañg ajiib ghul ga.e kaifiyyat-e-malāl meñ

ashk-e-ḳhūnīñ kī huuñ maiñ sail meñ Duubā rahtā
ye merā rañg hai o paan chabāne vaale

ab ke holī pe lagā rañg utartā hī nahīñ
kis ne is baar hameñ rañg lagāyā huā hai

tumhārā rañg-e-suḳhan koī bhī rahe 'mahbūb'
ġhazal kā zā.iqa apnī zabān meñ rakhnā

utar ke dekh chukā rañg ke jazīroñ meñ
tire shabāb kā vo rañg-e-arġhavāñ na milā

ḳhizāñ guzar ga.ī lekin guloñ ke rañg haiñ zard
bahār ko sila-e-ḳhūn-e-kushtagāñ na milā

hazāroñ ḳhūb-rū ga.e ḳhaak meñ gardish se daurāñ ke
jhalakte rañg meñ dekho muqayyash reze afshāñ ke

sadiyoñ se jahāñ jis ke ta.āqub meñ ravāñ hai
vo sā.at-e-sad-rañg giraftār bhī hogī

kyā chaman chhoḌā palaT kar nahīñ dekhā us ko
rañg-e-gul bū-e-saman bād-e-sabā bhuul ga.e

kaise kaise rañg haiñ tanhā.ī kī tasvīr meñ
jab kabhī fursat mile tab aa.ine meñ dekhnā

tum jo baiThe ho chhup ke pardoñ meñ
chashm kyuuñ mahv-e-rañg-o-bū na rahe

jo rañg-roġhan bikhar rahe haiñ tamām ghar meñ atā hai us kī
bas ek aamad se us kī vīrāñ khañDar sā ye ghar bhī jī uThā hai

yuuñ to hai zer-e-nazar har mājrā dekhā huā
phir nahīñ dekhā hai vo rañg-e-havā dekhā huā

vo siyāh-rañg shamīm-shām-e-visāl kī jo naved hai
is alam-gazīda firāq meñ vahī zulf yaad phir aa ga.ī

nāseh ke sāmne kabhī sach boltā nahīñ
merī zabāñ meñ rañg tumhārī zabāñ ke haiñ