Tags-Rang

ab to 'haidar' aur hī kuchh rañg haiñ
māntā huuñ yaar kyuuñ kaisī kahī

chaman kī dilchaspiyāñ kahāñ haiñ na chahchahe haiñ na qahqahe haiñ
qadam jamā.e haiñ kyā ḳhizāñ ne ki aaj rañg-e-bahār badlā

maiñ ne ka.ī rañg ke saa.e sūñghe haiñ
magar dīvāroñ par kanda kiye phūloñ meñ

hazāroñ rañg duniyā ke sameTe sher meñ apne
kabhī jab gulshan-e-dil se uḌī titlī ġhazal kah dī

ham ne har rañg se chehre ko sajāyā lekin
apnī pahchān ke āsār bigaḌte hī rahe

kushta-e-rañg-e-hinā huuñ maiñ ajab is kā kyā
ki mirī ḳhaak se mehñdī kā shajar paidā ho

vo shafaq ke bādaloñ meñ nīl-gūñ surḳhī kā rañg
aur raavī kī talā.ī nuqra.ī lahroñ meñ jañg

maiñ dekhtā thā ki uñgliyoñ meñ diye kī lau hai
maiñ jāgtā thā ki rañg ḳhvāboñ meñ bhar rahā thā

esī kyuuñ rasmasī marjān aur kyuuñ laal haiñ añkhiyāñ
agar tum niiñ karī nahiñ ġhair siiñ mil raat rañg-raliyāñ

ishq kyā husn kyā fasānā kyā
ham na hoñge to rañg-e-duniyā kyā

ai hama-rañg hama-nūr hama-soz-o-gudāz
bazm-e-mahtāb se aane kī zarūrat kyā thī

jo rañg-o-bū ke uThāne meñ haz uThā liije
mabādā phir kaf-e-afsos ko malo sāhib

vo rañg rañg uḌā ḳhushbuoñ meñ phail gayā
jhaTak diyā hai mirā dāman-e-tahī us ne

un ke dāman pe koī daaġh na aane paa.e
maiñ har ik rañg har ik haal meñ rusvā hī sahī

maiñ ne ḳhushbū ko likhā dastaras-e-gum-shudagī
rañg ko fāsla rakhne kī ri.āyat likkhā

rañg jab apnī haqīqat se shanāsā ho jaa.e
lāla-zāroñ meñ bhaḌaktā hai alaav ban kar

surḳh karne lagī har shai 'javvād'
yaad kā rañg sunahrā hī sahī

rañg meñ rañg ghul ga.e aks ke shīshe dhul ga.e
qaus-e-quzah pighal ga.ī bhīgī huī lagār meñ

rañg jaane kahāñ uḌ ga.e
sirf ik daaġh sā rah gayā

ḳhudā hī jaane ki kis ravish se kiyā thā murġh-e-chaman ne naala
paḌī hai ġhunche kī chiiñ jabīñ par to rañg chehre kā laal bhī hai