Tags-Rang

ḳhudā jaane aapas meñ kyā pesh aa.e ye tāḳhīr-o-tājīl kyā rañg laa.e
hamārā irāda ki fauran na deñ dil tumhārī tamannā ki mil jaa.e jhaT-paT

badlegā rañg shām-e-alam
mere baad aa

hamīñ jab na hoñge to kyā rañg-e-mahfil
kise dekh kar aap sharmā.iyegā

ajab hai rañg-e-chaman jā-ba-jā udāsī hai
mahak udāsī hai bād-e-sabā udāsī hai

rañg-e-shafaq meñ ḳhūn-e-shahīdāñ hai jalva-gar
apne aziim mulk kī sauġhāt le chaleñ

lahū jigar kā huā sarf-e-rañg-e-dast-e-hinā
jo saudā sar meñ thā sahrā khañgālne meñ gayā

ḳhvāhish-e-vasl ne ushshāq ko rusvā rakkhā
husn ne dilkash-o-ḳhush-rañg sarāpā rakkhā

mujh ko dikhlāo na tum rañg-e-hinā us ko jalāo
bhejnī jis ne karī tum ko ye sauġhāt shurūa

hoñ ek se sab hasīn kyūñkar
hai rañg judā kalī kalī kā

bose ko jagah milī laboñ par
ab rañg jamegā kyā misī kā

miTtī nahīñ dushmanī kisī kī
rañg us meñ hai merī dostī kā

har rañg hai tere aage phīkā
mahtāb hai phuul chāñdnī kā

ġhāfil nigah-e-hosh se rañg-e-chaman ko dekh
parvurda-e-ḳhizāñ hai zamāna bahār kā

hai rañg badan kā luġhat-e-rañg meñ nāpaid
lā-sānī hai qāmat meñ qad-e-yār kahūñ kyā

ruuh merī bhī nahīñ chhoḌegī rañg-e-sair-e-bāġh
juuñ bharī rahtī hai bū-e-gul gulistānoñ ke beach

rañg uḌ chalā chaman meñ guloñ kā to kyā nasīm
ham ko to rozgār ne be-bāl-o-par kiyā

phir lagāte ho mehñdī hāthoñ meñ
yaad phir rañg-reliyāñ aa.iiñ

is sādgī meñ rang-e-mohabbat zarūr hai
'anjum' tirī ġhazal ke ma.ānī likheñge log

sad rañg jalva-gar hai har jaada ġhairat gul
āshiq kī ek paave kyuuñ kar qarār ḳhvāhish