Tags-Rang

ai dil kī lagī chal yūñhī sahī chaltā to huuñ un kī mahfil meñ
us vaqt mujhe chauñkā denā jab rañg pe mahfil aa jaa.e

udāsī hai to phīkā rañg lekin
ye mujh tasvīr kā ik rañg hī hai

uslūb purāne haiñ to alfāz haiñ be-rañg
nādir sā 'zafar' tarz-e-lisānī nahīñ miltā

miTe rañg-o-bū justujū silsile sab
bayābāñ meñ titlī kā par bhī nahīñ hai

rañg-o-roġhan mirī tasvīr ko dene vaalā
āb-e-shafāf hai kitnā mirā dekhā huā hai

sunte haiñ ab un galiyoñ meñ phuul sharāre khilte haiñ
ḳhuun kī holī khel rahī haiñ rañg nahātī do-pahreñ

rañg laayā divāna-pan merā
sī rahe haiñ vo pairahan merā

sharbatī āñkhoñ meñ kājal vo lagā.egā abhī
raat kā rañg abhī aur bhī kaalā hogā

merī chāhat ne ajab rañg dikhāyā mujh ko
kashmakash se mirī āñkhoñ ko girāñ-bār kiyā

vo koī rañg hai jo uḌ na jaa.e ai gul-e-tar
vo koī bū hai jo rusvā na ho zamāne meñ

vo āstīñ hai koī jo lahū na de nikle
vo koī hasan hai jhijhke jo rañg laane meñ

ajab tarah ruḳh-e-ā.indagī kā rañg uḌā
dayār-e-zāt meñ az-ḳhud guzashtagī hī rahī

yuuñ to gulshan meñ haiñ sab mudda.ī-e-yak-rañgī
bāvajūd is ke har ik rañg judā lagtā hai

kaisī gul-rañg hai mashriq kā ufuq dekh nadīm
nadī kā ḳhuuñ raat kī chaukhaT pe bahā ho jaise

rañg-e-banafsha miT gayā sumbul-e-tar nahīñ rahā
sehn-e-chaman meñ zīnat-e-naqsh-o-nigār ho chukī

hamāre hāl-mastoñ ko ḳhabar hone se pahle hī
yahāñ par aur hī kuchh rañg-e-mahfil hone vaalā hai

ātish-e-ishq ne ba-rañg-e-sipand
dāna-e-dil ko be-qarār kiyā

safed bāloñ pe kyā rañg de rahā hai ḳhizāb
ab ibtidā-e-ḳhizāñ hai aur intihā-e-bahār

guloñ kā rañg tapish ḳhushbūeñ samundar khīñch
kuchh is tarah se mirī aarzū kā paikar khīñch

laale meñ rañg hai ye kahāñ ye lahū tarañg
duniyā hasīn hai mire zauq-e-nazar ke ba.ad