Tags-Rang

kyā qahr hai ki rañg hai phūloñ kā zard zard
kāñToñ pe hai nikhār muqaddar kī baat hai

aao aaj
phūloñ kā rañg oḌh kar

ik piile rañg kī dhund jamī hai chehroñ par
koī aa ke dekhe haal tire bīmāroñ kā

abhī kyā jaane kyā kyā rañg vo ai 'shauq' badlegā
zamīñ par ik karegā hashr barpā āsmāñ ho kar

qāmat hai ki añgḌā.iyāñ letī sargam
ho raqs meñ jaise rañg-o-bū kā aalam

us ke liye poshāk banā.ūñgā maiñ apne hāthoñ se
rañg sapedī beach meñ hogā surḳh kanārī baiThegī

hasīn tujh se ziyāda bhī haiñ zamāne meñ
burā hai aañkh kā pāband-e-rañg ho jaanā

ek badlī jo paas se guzrī
rañg kitne badal gayā sūraj

banñe ko hai ik roz parindoñ kā muqaddar
utreñge to ham-rañg-e-zamīñ daam na hogā

in āñchaloñ pe koī sajda-rez ho na sakā
ki jin ke rañg bahut shoḳh aur gahre the

hinā jo hāthoñ meñ us ke dekhī to rañg dil kā huā ajab kuchh
kamar bhī dekhī to aisī nāzuk ki ho bhī is par nisār dekhā

rañg āhañg raushnī ḳhushbū
ghaTte baḌhte se dā.ere dekhūñ

lā ke phir misr meñ ai ishq kisī yūsuf ko
phir na.e rañg se ārā.ish-e-zindāñ karnā

haañ tarh-e-āshiyāñ bhī unhīñ ḳhār-o-ḳhas meñ hai
bijlī jahāñ pe ḳhaas ba-rañg-e-karam ga.ī

kartā hai har ik rañg kī chiḌiyoñ se vo bāteñ
pahnā.ī meñ dil kī kabhī utrā nahīñ kartā

tere tevar dekh ke akasr
mausam rañg badaltā hogā

ye aag saath na hotī to raakh ho jaate
ajiib rañg tire naam se hunar meñ rahā

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

ġhazal ke rañg meñ malbūs ho kar
rubāb-e-dard se āhañg niklā

bas-ki thī fasl-e-ḳhizān-e-chamanistān-e-suḳhan
rañg-e-shohrat na diyā tāza-ḳhayālī ne mujhe