Tags-Rang

kyā us se kaheñ aur kaise kaheñ un rañg badaltī āñkhoñ se
kyā shauq umaDte haiñ dil meñ kyā vahm satā.e rakhte haiñ

sad-rañg nazāre the jis meñ vo dil kā chaman kyā tum se kaheñ
kyuuñ us ko ujaaḌ ke baiThe haiñ kyuuñ ḳhaak uḌaa.e rakhte haiñ

lahū jigar kā huā sarf-e-rañg-e-dast-e-hinā
jo saudā sar meñ thā sahrā khañgālne meñ gayā

raushnī kā rañg phīkā paḌ gayā
tīrgī dīvār-o-dar tak aa ga.ī

us ke aage rañg jitne the vo phīke paḌ ga.e
sab pe sabqat ek aks-e-za.afrānī le gayā

na to parde haiñ, na gul-dān, na fānūs koī
ghar ke ḳhush-rañg salīqe mujhe vāpas kar de

kaisī rañgā-rañg shakleñ hoñgī ai josh-e-bahār
miT ke jo gulgūna-e-ruḳhsār-e-gulshan ho ga.iiñ

mire dil ke diin ko bech kar koī le gayā mujhe khīñch kar
mire añg añg meñ apnā rañg jamānā ho kahīñ yuuñ na ho

jo hai apne rañg meñ sandalī jo hai apne lams meñ maḳhmalī
mirī ḳhalvatoñ ko usī ne jaise lubhānā ho kahīñ yuuñ na ho

shab-e-vasl jalva-e-tūr sā vo badan chamaktā thā nuur sā
koī lā-zavāl vafūr-e-rañg-e-shabāna ho kahīñ yuuñ na ho

kabhī surma.ī kabhī ātishī kabhī nuqra.ī kabhī kāsnī
kisī ek rañg meñ rah ke jī hī lagānā ho kahīñ yuuñ na ho

merī ā.ankhoñ meñ haiñ sad-rañg manāzir lekin
kuchh hai ma.adūm jo ehsās-e-ziyāñ rahtā hai

ḳhushk dariyā hai na dariyā pe hai pahra lekin
har taraf pyaas kā ḳhūñ-rañg samāñ rahtā hai

tābinda bahāroñ ke na.e rañg liye to
merī bhī kabhī chhat pe utar shaam se pahle

mujhe to ishq meñ ab aish-o-ġham barābar hai
ba-rañg-e-sāya vajūd-o-adam barābar hai

dekh us ḳhurshīd-rū kuuñ ai 'sirāj'
chāñd kā rañg āsmānī ho gayā

kesarī jaama badan meñ us ke dekh
rañg merā za.afrānī ho gayā

aaj hameñ aur hī nazar aatā hai kuchh sohbat kā rañg
bazm hai maḳhmūr aur saaqī nashe meñ chuur hai