Tags-Rang

nā-tajraba-kārī se vaa.iz kī ye haiñ bāteñ
is rañg ko kyā jaane pūchho to kabhī pī hai

mire ahd-e-mohabbat kī nishānī
salonī sāñvlī gul-rañg dhānī

mirī nazar meñ ga.e mausamoñ ke rañg bhī haiñ
jo aane vaale haiñ un mausamoñ se Darnā kyā

chhoḌ duuñ kaise adhūrā maiñ koī kaam tirā
tere ḳhāke meñ mujhe rañg to bharnā hogā

aaj saaqī dekh tū kyā hai ajab rañgīn huā
surḳh mai kaalī ghaTā aur sabz hai miinā kā rañg

sar pe dastār-e-basantī bar meñ jaama qurmuzī
khub gayā dil meñ hamāre us gul-e-ra.anā kā rañg

jūñ-hī muñh par se uThā dī baaġh meñ aa kar naqāb
uḌ gayā rañg-e-chaman dekh us ruḳh-e-zebā kā rañg

kyuuñ na le gulshan se baaj us arġhavāñ-sīmā kā rañg
gul se hai ḳhush-rañg-tar us ke hinā.ī pā kā rañg

jis taraf dekhūñ huuñ ab 'bedār' tere ashk se
ho rahā hai surḳh yaksar dāman-e-sahrā kā rañg

de tū is abr-e-siyah meñ jaam jaldī se mujhe
dil bharā aatā hai merā dekh kar sahbā kā rañg

us ne ḳhvāhish kī to vo zāhir huā
rañg tārīkī se nikle aur sadā dene lage

allāh allāh phuuT niklā rañg chāhat kā mirī
zahr khāyā maiñ ne poshāk aap kī dhānī huī

rañg chubhte haiñ jo ab āñkhoñ meñ
apnī tasvīr banā.ī thī kabhī

aaj ke saare yaqīñ un ke liye un ke liye
rañg jo badleñ vo asbāb-e-gumāñ haiñ apne

tarz-e-bāġhbānī meñ shiddat-e-numū-ḳhezī kaise gul khilā.egī
nīm-vā shagūfoñ ke rañg-e-dil-farebī meñ bū-e-tājirāna hai

ḳhuuñ se tar ravish ravish
rañg-e-gul-o-saman na thā

havā-e-garm ḳhizāñ meñ vo rañg-o-rūp kahāñ
thī andalīb yūñhī dhān-pān suukh ga.ī

bahut hī phūlī huī thī ye apnī rañgat par
jo dekhā rañg mirā za.afrān suukh ga.ī

ġhuncha ġhuncha mausam-e-rañg-e-adā meñ qaid thā
dil vo nādāñ thā ki apnī hī anā meñ qaid thā

kaun thā vo jis ne apne ḳhuun se likkhā thā ḳhat
kis ke dil kā rañg is barg-e-hinā meñ qaid thā