Tags-Rang

nā-tavānī satī barjā hai alāmat na karo
rañg-e-'dā.ūd' kuuñ parvāz kī tāqat niiñ hai

gulshan-e-jag meñ zarā rang-e-mohabbat niiñ hai
bulbul-e-dil kuuñ kisī saath ab ulfat niiñ hai

sarsabz libāde meñ sajā.e thā jo sapnā
chehre kā abhī rañg uḌā dekh ke chup hai

har nafas raushan huā mere lahū ke rañg se
zindagī kyā thī mirā bikhrā huā shīrāza thā

safar kā rañg hasīñ qurbatoñ kā hāmil ho
bahār ban ke koī ab to ham-safar aa.e

qātiloñ ne jism merā reza reza kar diyā
ḳhuun bikhrā rañg ban kar vādiyāñ chamkā gayā

agar gulshan taraf vo nau-ḳhat-e-rañgīñ-adā nikle
gul o raihāñ suuñ rañg-o-bū shitābī peshvā nikle

rañg barsātī vahī sub.h vahī bhīgtī shaam
vahī ehsās meñ Duube hue saa.e dekhe

chāhtī hai āḳhir kyā āgahī ḳhudā-ma.alūm
kitne rañg badlegī zindagī ḳhudā-ma.alūm

nau-e-insāñ kī baḌā.ī kā taqāzā hai yahī
rañg aur nasl ko me.aar na samjhā jaa.e

is ke rañg-o-saut ke jugnū the dāman meñ 'alīm'
kho ke sab kuchh aane vaalā bhī tahī-dāmāñ na thā

taab kho baiThā har ik jauhar-e-ḳhākī merā
jaane kis rañg meñ hogā gul-e-ḳhūbī merā

kahāñ ab vo mausam-e-rañg-o-bū ki ragoñ meñ bol uThe lahū
yūñhī nāgavār chubhan sī hai ki jo shāmil-e-rag-o-pai nahīñ

maiñ sochtā huuñ ki tasvīr-e-ḳhāk ko merī
hazār rañg meñ rañgnā kamāl hai us kā

rañg se rañg milātā huā jaatā huā tū
kahkashāñ ek banātā huā jaatā huā tū

mire ḳhvāboñ ke saare rañg jis kī muTThiyoñ meñ haiñ
na jaane ab vo kyā chāhe yahāñ kyuuñ baar baar aa.e

ab ḳhushī hai na koī dard rulāne vaalā
ham ne apnā liyā har rañg zamāne vaalā

be-sabātī chaman-e-dahr kī hai jin pe khulī
havas-e-rañg na vo ḳhvāhish-e-bū karte haiñ

chāñd kyā phuul kyā sham.a kyā rañg kyā
haiñ pareshān sab aaj kī shab na jā