Tags-Rang

ḳhush-rañg āsmān uḌā le ga.ī havā
ḳhushbū kā sā.ebān uḌā le ga.ī havā

kuchh rañg hai guzre lamhoñ kā
kuchh ashkoñ kī bārāteñ haiñ

mauj-e-hañgām-e-charāġhāñ hai na vo rañg-e-abīr
shoḳhī-e-īd bhī ḳhāmosh moharram chup-chāp

har rañg ke aa chuke haiñ fir.aun
lekin ye jabīñ jhukī nahīñ hai

khulī havā kī fasīloñ meñ zindagī hai asiir
fareb-e-rañg se māhaul ko basā na sakī

in rañgoñ meñ mirā rañg bhī thā in bātoñ meñ mirī baat bhī thī
mirā rañg miTā mirī baat kaTī kis ne mirā rasta chhīn liyā

ḳhūñ-rañg āsmān hai rāteñ Darāonī
har ek samt shor machā jāgte raho

mire naġhmoñ se sahbā-e-kuhan bhī ho ga.ī paanī
ta.ajjub kar rahe haiñ rañg-e-mahfil dekhne vaale

sikhlā rahā huuñ dil ko mohabbat ke rañg-Dhañg
kartā huuñ maiñ makān kī ta.amīr āj-kal

mujhe apne ruup kī dhuup do ki chamak sakeñ mire ḳhāl-o-ḳhad
mujhe apne rañg meñ rañg do mire saare rañg utaar do

dekhā hai kahīñ rañg-e-sahar vaqt se pahle
shabnam na ugā dīda-e-tar vaqt se pahle

is adā se baaḌh dekhī aap ne talvār kī
tā.ir-e-rañg-e-hinā bhī tā.ir-e-bismil huā

phailtī hai shaam dekho Dūbtā hai din ajab
āsmāñ par rañg dekho ho gayā kaisā ġhazab

vo ek jalva-e-sad-rang ik hujūm-e-bahār
na jaane kaun thā jaane kidhar gayā koī

kis chaman kī ḳhaak meñ phūloñ kā mustaqbil nahīñ
dūrbīñ nazroñ meñ rañg-o-bū haiñ āb-o-gil nahīñ

huā rañg-e-duniyā meñ kyuuñ shefta
tujhe bul-havas haa.e kyā ho gayā

lo phir basant aa.ī
phūloñ pe rañg laa.ī

jo dil se uThte haiñ sho.ale vo rañg ban ban kar
tamām manzar-e-fitrat pe chhā.e jaate haiñ

sau TukḌe hai garebāñ dāman lahū meñ tar hai
ye rañg tū ne zālim apnā kahāñ banāyā

kahīñ se ek vīrānī kā saayā phailtā aayā
hue be-rañg sab dīvār-o-dar āhista āhista