Tags-Relationship

vahī ta.alluq-e-ḳhātir jo barq-o-bād meñ hai
dil-e-sitam-zada kī hasrat-o-murād meñ hai

haiñ is ke ta.alluq se aziiz ahl-e-jahāñ bhī
le jā.egī āḳhir havas-e-yār kahāñ tak

bas ik ta.alluq ne merī nīndeñ uḌā rakhī haiñ
bas ik shanāsā.ī jaañ kā āzār ho rahī hai

gayā shabāb par itnā rahā ta.alluq-e-ishq
dil o jigar meñ tapak gaah gaah hotī hai

kisī ke duur jaane se
ta.alluq TuuT jaane se

ki ek saa.e kī narm aahaT ne rāstoñ kā nasīb badlā
koī ta.alluq ke chāñd lahje meñ apne-pan kī adā se bolā

ḳhush-gumāñ har aasrā be-āsrā sābit huā
zindagī tujh se ta.alluq khokhlā sābit huā

ye barsoñ kā ta.alluq toḌ denā chāhte haiñ ham
ab apne aap ko bhī chhoḌ denā chāhte haiñ ham

ta.alluq kirchiyoñ kī shakl meñ bikhrā to hai phir bhī
shikasta ā.īnoñ ko joḌ denā chāhte haiñ ham

dar aap kā ham chhoḌ ke ab jaa.eñ kahāñ aur
hai tark-e-ta.alluq meñ ḳhud apnā hī ziyāñ aur

mire un ke ta.alluq par koī ab kuchh nahīñ kahtā
ḳhudā kā shukr sab ke muñh meñ taale paḌte jaate haiñ

be-ta.alluq zindagī achchhī nahīñ
zindagī kyā maut bhī achchhī nahīñ

jahāñ-bhar ko ḳhabar kaise huī tark-e-ta.alluq kī
mujhe tum se ta.alluq thā jahāñ se vāsta kyā thā

shoḳh palkoñ pe ruktī huī ik namī
kuchh uchaTte ta.alluq nibhāne lagī

DhūñDhtā huuñ maiñ koī tark-e-ta.alluq kā javāz
ab guzārā nahīñ mumkin dil-e-hassās ke saath

zamīn-o-arsh ke bāham ta.alluq ke tanāzur meñ

tark-e-ta.alluq kā dhaḌkā sā hai dil ko
vo mujh ko ik baat batāne vaalā hai

us ik be-mehr se tark-e-ta.alluq par nadāmat kyā
gavārā kar liye kaise sitam sharmindagī hai ye

duniyā se kyā matlab mujh ko aalam se kyā tujh ko ta.alluq
merā dilbar terā shaidā maiñ hī maiñ huuñ tū hī tū hai