English
Favourite
Favourite
UrduShayarUrduShayar
Expand menu
Sign inAccount

Tags-Rukhsar

hai tasavvur bas-ki āñkhoñ meñ ḳhat-e-ruḳhsār kā
aa.ine kī tarah jauhar-dār āñkheñ ho ga.iiñ
Ghazal
 aashiq-e-zulf-o-ruKH-e-dildar aankhen ho gain
uf vo tābānī-e-lab-o-ruḳhsār
rashk-e-sad-māhtāb haiñ donoñ
Ghazal
 wasl-o-furqat azab hain donon
shām-e-ġham meñ soz-e-ishq-e-ātish-e-ruḳhsār se
par-fashān-e-soḳhtan haiñ sūrat-e-parvāna ham
Ghazal
 gham nahin hota hai aazadon ko besh az-yak-nafas
kyā shām-o-sahar us kī hai kyā us ke shab-o-roz
duniyā ko bhī jo kākul-o-ruḳhsār hī samjhe
Ghazal
 ye baat teri chashm-e-fusun-kar hi samjhe
baaqī hai lahū dil meñ to har ashk se paidā
rañg-e-lab-o-ruḳhsār-e-sanam karte raheñge
Nazm
 lauh-o-qalam
hājat nahīñ banāo kī ai nāznīñ tujhe
zevar hai sādgī tire ruḳhsār ke liye
Ghazal
 na-fahmi apni parda hai didar ke liye
nūr-e-tajallī hai tire ruḳhsār ke liye
āñkheñ marī kalīm haiñ dīdār ke liye
Ghazal
 na-fahmi apni parda hai didar ke liye
lab-o-ruḳhsār meñ hogī gul-o-mahtāb kī baat
aañkh meñ tazkira-e-bint-e-inab bhī hogā
Ghazal
 shauq-e-warafta ko malhuz-e-adab bhi hoga
ruḳhsār vo rakh ke so gayā thā
gul takyoñ ko roz sūñghtā huuñ
Ghazal
 munh Dhanp ke main jo ro raha hun
jo jāñ-ba-lab ho hasrat-e-dīdār meñ tirī
dikhlā ke us ko jalva-e-ruḳhsār maar Daal
Ghazal
 tarsa na mujhko khinch ke talwar mar Dal
aah ye daur ki jis meñ lab-o-ruḳhsār bike
dast-e-fitrat ke banā.e hue shahkār bike
Ghazal
 aah ye daur ki jis mein lab-o-ruKHsar bike
kuchh aag lagā.egā na.ī shola-e-ruḳhsār
kuchh rañg dikhā.egā tirā rañg-e-hinā aur
Ghazal
 milne ka nahin rizq-e-muqaddar se siwa aur
dekhā hai jis ne yaar ke ruḳhsār kī taraf
hargiz na jaave sair kuuñ gulzār kī taraf
Sher
 dekha hai jis ne yar ke ruKHsar ki taraf
ab maiñ samjhā tire ruḳhsār pe til kā matlab
daulat-e-husn pe darbān biThā rakkhā hai
Sher
 ab main samjha tere ruKHsar pe til ka matlab
kaisī rañgā-rañg shakleñ hoñgī ai josh-e-bahār
miT ke jo gulgūna-e-ruḳhsār-e-gulshan ho ga.iiñ
Ghazal
 KHwahishen duniya ki bar-e-dosh-o-gardan ho gain
muñh zard dupaTTe ke na āñchal se chhupāo
ho jaa.e na rañg-e-gul-e-ruḳhsār basantī
Ghazal
 hain jalwa-e-tan se dar-o-diwar basanti
tajallī-e-ruḳhsār aur nā-damīda
koī aur shai hai ye ismat nahīñ hai
Nazm
 parda aur ismat
hairat se mire dekhne ko dekhte haiñ kyā
dekheñ to vo apne lab o ruḳhsār ko dekheñ
Ghazal
 aalam mein na kuchh kasrat-e-anwar ko dekhen
vahī ruḳhsār o chashm o lab un ke
vahī be-chehragī hamārī hai
Ghazal
 wahi unki satiza-kari hai
nazar aa jaatā hai ai gul jise ruḳhsār tirā
phūloñ se dāman-e-nazzāra vo bhar letā hai
Ghazal
 kaam himmat se jawan mard agar leta hai
Top Urdushayar.com