Collections

Lab Shayari

Motivational Ghazals

Best Khamoshi Shayari

More Collections

Tags-Rural

gaañv meñ mohabbat kī rasm hai abhī 'manzar'
shahr meñ hamāre to jo bhī hai madārī hai

zulf o ruKH ke sae mein zindagi guzari hai

palkoñ pe sab kī bojh hai ik ehtiyāt kā
kal raat mere gaañv meñ soyā koī na thā

dariya tha mauj gham thi safina koi na tha

kuchh nau-javān shahr se aa.e haiñ lauT kar
ab daav par lagī huī izzat hai gaañv kī

kuchh nau-jawan shahr se aae hain lauT kar

laḌkiyāñ gaañv se sidhār ga.iiñ
hirniyoñ se hue ḳhutan ḳhālī

shab kuchh aise chali pawan Khaali

ḳhuun jaltā rahtā hai gaañv ke javānoñ kā
kār-ḳhāne shahroñ ke kab dhuāñ ugalte haiñ

habs ke dinon mein bhi ghar se kab nikalte hain

ab tirī god ke pāloñ meñ bhī ehsās nahīñ
bas yahī soch ke gaañv se ulajh baiThā huuñ

mah-jabinon ki adaon se ulajh baiTha hun

maañ aaj mujh ko chhoḌ ke gaañv chalī ga.ī
maiñ aaj apne ā.īna-ḳhāne se kaT gayā

ye sar-buland hote hi shane se kaT gaya

jo bhī miltā hai usī ko pūjne lagtā huuñ maiñ
kyā karūñ majbūriyoñ haiñ gaañv se aayā huuñ maiñ

jo bhi milta hai usi ko pujne lagta hun main

bārish kī būñdoñ se ban meñ tan meñ ek bahār aa.ī
ghar ghar gaa.e giit gagan ne gaūñjīñ galiyāñ gaañv kī

dil ke sune sahn mein gunji aahaT kis ke panw ki

qadam qadam pe ajab ḳhauf sā guzartā hai
vo apne gaañv meñ jaate hue bhī Dartā hai

qadam qadam pe ajab KHauf sa guzarta hai

ab to panapne vaalī haiñ raushan-ḳhayāliyāñ
aa.ī na.ī na.ī mire gaañv meñ raushnī

phaili hui hai sari dishaon mein raushni

ġhalat kahā thā kisī ne ye gaañv vāloñ se
chalo ki shahr meñ ḳhairāt baT rahī hogī

zamin apne hi mehwar se haT rahi hogi

tumhārā shahr mire gaañv se hai kitnā alag
yahāñ guloñ kī jagah khilte haiñ shajar meñ charāġh

main tera koi nahin phir bhi puchh baiTha hun

vo bahut ḳhush hai nayā ghar hai nayā shahr magar
gaañv meñ us kī havelī ke sutūñ rote haiñ

waise to kam hi miyan ahl-e-junun rote hain

bahut muḳhlis haiñ us ke gaañv vaale
paḌhā-likkhā magar koī nahīñ hai

nazar ki zad mein sar koi nahin hai

kachchī kaliyāñ pakkī fasleñ sar chhupā.eñgī kahāñ
aag shahroñ kī lapak kar aa rahī hai gaañv meñ

do ghaDi baiThe the zulf-e-ambarin ki chhanw mein

gaañv kī samt chalī dhuup doshālā oḌhe
taaki bāġhoñ meñ ThiThurte ho.e phūloñ se mile

dasht-e-afkar mein sukhe hue phulon se mile

beTā beTī phone par akasr batāte haiñ mujhe
vaqt miltā hī nahīñ hai gaañv aane ke liye

nind ki goli na khao nind lane ke liye

bazm sañvārūñ ġhazleñ gā.ūñ
jiine ke andāz banā.ūñ

bazm sanwarun ghazlen gaun

aḳhroT khā.eñ tāpeñ añgeThī pe aag aa
raste tamām gaañv ke kohre se aT ga.e

dil se husul-e-zar ke sabhi zoam haT gae