Tags-Rural

gaañv meñ phir ik mela aayā
būḌhe baap ne kāñpte hāthoñ se

muḌnā hai mujhe moḌ mohabbat ke nagar ko
gaañv kī mire āb-o-havā hai mire pīchhe

tumhāre shahr meñ mayyat ko sab kāñdhā nahīñ dete
hamāre gaañv meñ chhappar bhī sab mil kar uThāte haiñ

ab us kī shahr meñ tash.hīr kyuuñ kareñ jā kar
huā hai gaañv meñ apne jo nā-gahāñ sā kuchh

kuchh aisā lagtā hai jis ne bhī Diary likhī hai
vo shahr aayā hai gaañv meñ chhoḌ kar kisī ko

be-qaid-o-rañg kauñdtī rañgīn machhliyāñ
dekhī haiñ maiñ ne gaañv ke pokhar ke ās-pās

zamāne bhar kā jo fitna rahā thā
vahī to gaañv kā mukhiyā banā thā

kal ḳhvāb meñ dekhā sakhī maiñ ne piyā kā gaañv re
kāñTā vahāñ kā phuul thā aur dhuup jaise chhāñv re

talāsh-e-zar meñ javāñ kuuch karte jaate the
'kamāl' gaañv kā sab husn martā jaatā thā

use malāl se taktī thiiñ gaañv kī galiyāñ
vo naġhma-gar jo siye lab guzartā jaatā thā

kise dost apnā banā.eñ ham kise dil kā haal sunā.eñ ham
sabhī ġhair haiñ sabhī ajnabī tire gaañv meñ mire shahr meñ

merā bachpan bhī saath le aayā
gaañv se jab bhī aa gayā koī

jhulas gayā hai peḌ ye hinā kā jab se dhuup meñ
hamāre gaañv kī na.ī-naveliyāñ udaas haiñ

'shakīl' gaañv ke sab log so ga.e hoñge
ab itnī raat ko achchhā nahīñ hai ghar jaanā

'nidā' ne shahr meñ gaañv basā ke rakhā thā
so un se milne usī gaañv jā rahā thā maiñ

bahut tanhā hai vo ūñchī havelī
mire gaañv ke in kachche gharoñ meñ

aaj phir maañ mujhe māregī bahut rone par
aaj phir gaañv meñ aayā hai khilaune vaalā

kahāñ tak baḌh ga.ī hai baat likhnā
mire gaañv ke sab hālāt likhnā

ab shaam hai to shahr meñ gaañv ke parinde
rahne ke liye koī shajar DhūñD rahe haiñ

mere gaañv meñ mere ghar ke qarīb
jhiil hai ek ḳhūb-sūrat sī