Tags-Rural

gaañv meñ sandhyā ho ke ye kyā hai band hue haiñ sab darvāze
berī jag meñ taak meñ hai ab ek ik sā.īñ luTerā baabā

tujhe is gaañv se jaanā hai ik din
havelī kyuuñ banānā chāhtā hai

gaañv ke har ik ḳhvāb meñ shahroñ kī kahānī
shahroñ meñ jise dekho vatan DhūñD rahā hai

gaañv ke ek chhor par laash mirī hai jal rahī
paas hī ek peḌ par kaag kī kaañv kaañv hai

gaañv meñ kuchh daraḳht haiñ aur udaas aurteñ
vo jo udaas aurteñ haiñ vo hī asl chhāñv hai

bāġhmatī ke paas hī koī eraut gaañv hai
janm mirā vahīñ huā vo hī to ek Thāñv hai

shahr vaale kab ke mahrūm-e-basārat ho chuke
ratjage kī rasm to bas aañkh ke gaañv meñ thī

tū ye na pūchh mire gaañv meñ haiñ ghar kitne
ye pūchh kaun se ghar meñ azaab kitne haiñ

shahr ke har moḌ par āvāz ke jañgal mile
ham ko apne gaañv hī kī ḳhāmushī achchhī lagī

na.ī ġhazleñ likhūñ kis ke liye aur giit sajā.ūñ kis ke liye
mirā ham-dam mujh se ruuTh gayā ab naġhme gā.ūñ kis ke liye

jaane kyā soch ke fitrat se mohabbat kī thī
mere ajdād ne gaañv kā shajar rakkhā thā

sahmā hai āsmān zamīñ bhī udaas hai
har gaañv aur shahr meñ ḳhauf-o-hirās hai

havāv aao mire gaañv kī taraf dekho
jahāñ ye ret hai pahle yahāñ tarā.ī thī

jab bhī vo baiThte haiñ likhne ko iqrār-e-vafā
gaañv bhar meñ kahīñ miltā nahīñ purza kāġhaz

saarī parchhā.iyāñ goshoñ meñ dubak jā.eñgī
sūraj ubhregā to ye gaañv akelā hogā

sahrā se aane vaalī havāoñ meñ ret hai
hijrat karūñgā gaañv se gaañv meñ ret hai

gaañv ke parind tum ko kyā patā bidesoñ meñ
raat ham akeloñ kī kis tarah guzartī hai

gaañv kī dhartī bāñjh huī hai panghaT suunā suunā hai
pīpal ke pattoñ meñ chhup kar DhūñDhtī hai tanhā.ī dhuup

aur ye ahd kiyā thā ki ba-īñ hāl-e-tabāh
ab kabhī pyaar bhare giit nahīñ gā.uñgā

aam se kūza-gar kā beTā huuñ
gaañv kā chaudharī nahīñ huuñ maiñ