Collections

Lab Shayari

Motivational Ghazals

Best Khamoshi Shayari

More Collections

Tags-Rural

gaañv meñ māñ-bāp tum ko yaad karte haiñ bahut
vaqt thoḌā sā nikālo gaañv jaane ke liye

bech di kyun zindagi do-chaar aane ke liye

qadam sameT ke chalnā bhī siikh jāoge
tumheñ maiñ gaañv kī pagDañDiyāñ dikhā.ūñgā

Tapakte shoalon ki barsat mein nahaunga

gaañv meñ koī tumhāre liye bekal hai 'sharīf'
jaane kab tum ko ḳhayāl aa.egā kab ghar jaao

kuchh bhi ho us se judai ka sabab ghar jao

giit gā.ūñ to lapak jaate haiñ sho.ale dil meñ
saaz chheḌūñ to nikaltā hai dhuāñ tāroñ se

ji bahalta hi nahin sans ki jhankaron se

ik aur khet pakkī saḌak ne nigal liyā
ik aur gaañv shahar kī vus.at meñ kho gayā

kitne tafakkuraat se aazad ho gaya

sāñsoñ meñ gūñjtī huī shahnā.ī chhīn lī
shahroñ ne mujh se gaañv kī purvā.ī chhīn lī

ruswa kiya shuur ko danai chhin li

tujh se bichhḌe gaañv chhoTā shahr meñ aakar base
taj diye sab sañgī-sāthī tyaag Daalā des bhī

rabt bhi toDa bani nit ki talab ka base bhi

hamāre gaañv ke rastoñ kī kachchī miTTī par
phisal rahe haiñ qadam kitnī gandī bārish hai

dhuan uDati hui dhimi dhimi barish hai

mirī be-sāḳhta hichkī mujhe khul kar batātī hai
tire apnoñ ko gaañv meñ to akasr yaad aatā hai

wahi aangan wahi khiDki wahi dar yaad aata hai

shaam kajlā.ī huī raat abhāgan jaisī
rut nahīñ aatī kisī gaañv meñ sāvan jaisī

sham kajlai hui raat abhagan jaisi

aur jī ko piyā milan ke jatan
aur pirītam kā gaañv mīloñ par

dil miTe pyar ki apealon par

vīrānī ke bādal chhāne lag ga.e haiñ
panchhī ab us gaañv se jaane lag ga.e haiñ

virani ke baadal chhane lag gae hain

gaañv ke parinde tum ko kyā patā bidesoñ meñ
raat ham akeloñ kī kis tarah guzartī hai

ganw ke parinde tumko kya pata bideson mein

gaañv ke gaañv bujhāne ko havā aa.ī thī
mere ma.asūm charāġhoñ se shurūāt huī

aaj barson mein to qismat se mulaqat hui

mīThe chashmoñ se ḳhunuk chhāñv se duur
zaḳhm khulte haiñ tire gaañv se duur

miThe chashmon se KHunuk chhanw se dur

phaldār thā to gaañv use pūjtā rahā
sūkhā to qatl ho gayā vo be-zabāñ daraḳht

main ret ka mahal hun mere pasban daraKHt

kohrā kohrā sardī hai kaañp rahā hai puurā gaañv
din ko taptā sūraj de raat ko kambal de mālik

phul khila de shaKHon par peDon ko phal de malik

pichhḌe hue gaañv kā shāyad hai vo bāshinda
jo shahr meñ DhūñDe hai īsār kī gunjā.ish

sinon mein agar hoti kuchh pyar ki gunjaish

na aa.ī raas banāvaT kī zindagī mujh ko
maiñ shahr chhoḌ ke phir aa gayā huuñ gaañv meñ

sulag uThi hai koi aag si hawaon mein

sharmīlī chhūī-mūī ajab mohnī sī thī
naddī ye gaañv meñ thī to kitnī bhalī sī thī

sharmili chhui-mui ajab mohni si thi