Tags-Sach

riyā ke daur meñ sach bol to rahe ho magar
ye vasf hī na kahīñ ehtisāb meñ aa.e

sach kā haamī to rahā jhūThā nahīñ
jhūTh mere paas bhī phaTkā nahīñ

ġhazleñ likh likh pāgal hone vaalā huuñ
jhuuT nahīñ ab sach meñ rone vaalā huuñ

sach kahā thā sabhī mujh se nārāz haiñ
ab kisī se nahīñ rishta-nāta mirā

khultā hai har ik ġhuncha-e-nau-josh-e-numū se
ye sach hai magar lams-e-havā bhī hai koī chiiz

bādal ke pīchhe kā sach ab kholā terī āñkhoñ ne
tū jo nihāre roz use to ambar niilā niilā hai

maslahat-kesh to gul-hā-e-satā.ish se lade
sach ke hāthoñ meñ vahī zahr kā jaam aa.egā

tū sach kah rañg paañ hai ye ki ḳhuun ishq-bāzāñ hai
suḳhan rakhte haiñ kitne shaḳhs tere lab kī laalī meñ

kisī se koī ab kyoñ mere marne kā sabab pūchhe
ye jab tai thā ki maiñ ne sach kahā to maarā jā.ūñgā

sunā.e sach koī to saañs bhī āhista letā huuñ
kahīñ mujh par zarā bhī shak huā to maarā jā.ūñgā

magar shāyad hai sach kuchh baat ye bhī
mirī qadreñ mire ehsās mere nazariye bhī

ḳhvāb tābīr kā hissa hai to so kar dekheñ
sach ke idrāk meñ ik shahr-e-gumāñ aur sahī

lutf detā hai mujhe terā tasavvur shab-e-ġham
sach kahā karte haiñ achchhoñ kā ḳhayāl achchhā hai

jo dekhtā huuñ jo sach hai karūñgā vo tahrīr
matā-e-har-do-jahāñ bhī nahīñ bahā-e-zamīr

aise jhūTe ho agar sach bhī kabhī ho bolte
e.atibār aatā nahīñ sāhab tumhārī baat kā

sach kahiyo ki vāqif ho mire haal se 'āmir'
duniyā hai ḳhafā mujh se ki duniyā se ḳhafā maiñ

qāfile vāloñ ne bistar jahāñ apne khole
sach to ye hai vo mire naam kī manzil to nahīñ

tumheñ kaise batā.eñ jhuuT kyā hai aur sach kyā hai
na tum ne aa.ina dekhā na ā.īna dikhāyā hai

agar ye sach hai ki tū merā ḳhvāb hai to batā
ki aañkh lagte hī mujh ko jhiñjhoḌtā kyuuñ hai

ye sach hai merī sadā ne raushan kiye haiñ mehrāb par sitāre
magar mirī be-qarār āñkhoñ ne aa.ine kā ziyāñ kiyā hai