Tags-Sach

farq hī kyā thā sar jaatā yā rah jaatā
jab sach kī fasl-e-imkānī merī thī

tum se kahtā hai jaan sach 'tābāñ'
jhūTī bāteñ sabhī tumhārī haiñ

agar sach hai to phir sābit karo tum
maiñ apne aap ko jhuTlā rahī huuñ

ik shaam sar-e-mahfil ham ne bhī use dekhā
ye sach hai un āñkhoñ meñ mai-ḳhāne machalte the

'mus.hafī' ham haiñ aur tanhā.ī
sach hai ambāz kaun hai apnā

mirī bastī meñ ik buḌhiyā hai jo sach-much kī Daa.in hai
vo khā jaatī hai bachchoñ ko pakaḌ kar log kahte haiñ

lafz kī hurmat muqaddam hai dil-o-jāñ se mujhe
sach ta.āruf hai mire har sher har tahrīr kā

tum sā hasīñ in āñkhoñ ne dekhā kabhī na thā
lekin ye sach nahīñ koī tum sā kabhī na thā

ye sach hai maiñ huuñ qaid ḳhayāloñ meñ ḳhvāb meñ
jiine ke vāste mire duniyā koī to ho

hai ibārat jo ġham-e-dil se vo vahshat bhī na thī
sach hai shāyad ki hameñ us se mohabbat bhī na thī

sach kah 'razā' ye kis se lagā.ī hai sāT-bāT
kuchh phir hai in dinoñ meñ tirā jī nipaT uchāT

ye sach hai mujh ġharīb kā koī rafīq ab nahīñ
ye sach hai ġham-nasīb kā koī shafīq ab nahīñ

vo aarzū hai kaun sī jo aaj pā-ba-gil nahīñ
hai naam dil kā dil magar jo sach kahūñ to dil nahīñ

detā nahīñ dil le ke vo maġhrūr kisī kā
sach hai ki na zālim se chale zor kisī kā

sach to ye ki abhī dil ko sukūñ hai lekin
apne āvāra ḳhayālāt se jī Dartā hai

ḳhush aa.e tujhe shahr-e-munāfiq kī amīrī
ham logoñ ko sach kahne kī aadat bhī bahut thī

vo bhī sar-e-maqtal hai ki sach jis kā thā shāhid
aur vāqif-e-ahvāl-e-adālat bhī bahut thī

ham razā-e-dost meñ raazī haiñ ye sach hai to phir
dekhnā hogā ki dastūr-e-duā kyā chiiz hai

jhuuT meñ shak kī kam gunjā.ish ho saktī hai
sach ko jab chāho jhuThlāyā jā saktā hai

sach bolnā muhāl thā itnā ki ek din
sūraj kī bhī zabān pe chhāle nikal paḌe