Tags-Sach

sach kah ai bād-e-sabā hai kisī gul par ye bahār
tū ne dekhe haiñ zamāne ke gulistāñ itne

hinā kā rañg ye hargiz nahīñ hai sach batā zālim
ye kis kā phuul sā dil tū ne paañv se masal Daalā

apnā sach us ko sunāne ke liye
ham ko qissoñ kā havāla chāhiye

aise tayyār huā baiThā huuñ
jaise sach-much hī kahīñ jaanā hai

ye agar sach hai to phir aaj ise sābit kar
ki sunā hai tū sar-e-arsh-e-barīñ suntā hai

sapnoñ ko sach kī maalā pahnā.eñge
manzil manzil aage baḌhte jā.eñge

tum ne hañste hañste naata toḌ liyā
lekin sach sach batlāo ḳhush honā kyā

un ke laane kī na sūjhī tujhe qāsid tadbīr
jhuuT sach koī to afsāna banāyā hotā

vo ek jhuuT thā jo raushnī meñ aa pahuñchā
ye ek sach hai añdheroñ meñ jo bhaTaktā hai

vo kahte haiñ maiñ zindagānī huuñ terī
ye sach hai to un kā bharosā nahīñ hai

batā.ūñ kaise ki sach bolnā zarūrī hai
ta.alluqāt meñ ye tajraba zarūrī hai

'nāyāb' shāḳh-e-chashm meñ khilte haiñ ab bhī ḳhvāb
sach hai tirā qayās ki zinda huuñ maiñ abhī

nashshe meñ taḳht-o-tāj ke kal tak jo chuur the
sach hai lahad meñ aaj vahī be-nishāñ hue

tumhāre lafzoñ kī dhīmī ḳhushbū havās-e-ḳhamsa ko nochtī hai
ḳhatoñ kī sūrat meñ sach kahūñ to azaab rakkhe hue haiñ ghar meñ

sach to ye hai phuul kā dil bhī chhalnī hai
hañstā chehra ek bahānā lagtā hai

vo ab ke aa.e to sach un ke saath thā lekin
ajiib tarah kā be-dard sach thā

ai dil kabhī patthar bhī kahīñ mom hue haiñ
jo ḳhvāb meñ dekhā hai kahīñ sach bhī huā hai

jaan le kahtī huuñ lalkār ke maiñ tujh se adū
maiñ ne sīkhā hai sadā sach kī himāyat karnā

ye bhī nahīñ ki un se mohabbat nahīñ rahī
ye bhī hai sach ki diid kī hasrat nahīñ rahī

hai ye sach ki mausam-e-hijr meñ mirā ḳhaar ḳhaar badan huā
kabhī yaad tujh ko jo kar liyā to badan ke ḳhaar chale ga.e