Tags-Sach

sach hai kisī sanam kī ibādat gunāh hai
phir bhī hasīñ gunāh kiye jā rahā huuñ maiñ

vo apne sach ko kabhī kar nahīñ sakā sābit
jo ek umr se jhūTā banā rahā hai mujhe

vo sach kī khoj meñ kis kis kā dekhtā chehra
jo ḳhud hī bhuul gayā saath aa.ina rakhnā

zindagī tū ne to sach hai ki vafā ham se na kī
ham magar ḳhud tujhe Thukrā.eñ zarūrī to nahīñ

ye to sach hai ki hai ik umr se bas ek talāsh
ham magar apnā patā paa.eñ zarūrī to nahīñ

sach adālat meñ kyuuñ nahīñ bole
kāñTe ug aa.e the zabān meñ kyā

sach ke kahne se agar jī kā ziyāñ hotā hai
sach bahar-hāl hai sach mohr-e-dahāñ kyā hogā

bol kar sach kaun kitne din salāmat rah sakā
Dar ke saa.e meñ hayāt apnī bitā.e aa.ina

sach hai ehsān kā bhī bojh bahut hotā hai
chaar phūloñ se dabī jaatī hai turbat merī

'kaifī' hai sau barūñ kā burā phir bhī sach kaho
aisā bhī koī shaḳhs tumhārī nazar meñ hai

ye sach hai duniyā meñ aur hoñge jamīl-o-ḳhush-rū hasīn-o-dilbar
pasand aa.ī magar hameñ to janāb-e-man aap kī hī sūrat

sach to ye hai ki maiñ har bazm meñ tanhā hī rahā
yuuñ magar paas mire kab nahīñ hotā koī

hāsil kar ke tujh ko ab sharminda sā huuñ
thā ik vaqt ki sach-much tere qābil thā maiñ

ye to sach hai zindagī zinda-dilī kā naam hai
zindagī ke naam par itnā bhī mat itrā.iye

nahīñ ki zinda hai bas ek merī zaat meñ ishq
maiñ sach kahūñ to faqat hai hī kā.enāt meñ ishq

sab bāñkpan ab terā 'nazīr' ishq ne khoyā
kyā ho ga.ī sach kah vo terī duut dubak be

jhuuT sach aap to ilzām diye jaate haiñ
baat sunte nahīñ dushnām diye jaate haiñ

mumkin nahīñ ki dāman be-dāġh ho kisī kā
sach pūchhiye to duniyā kājal kī koTharī hai

sach sach batā ki 'talḳh' ye dil kī navā meñ yuuñ
kaise kiye haiñ jam.a ye dukh kā.enāt ke

sach se
ghar nahīñ bante