Tags-Sach

ye sach hai maiñ vahī huuñ tū vahī hai
magar ab saañs le kuchh duur haT ke

jo sach pūchho to ghar kī saarī raunaq us ke dam se hai
vo jān-e-jāñ na ho ghar meñ to ghar achchhā nahīñ lagtā

zabt-e-girya se jalā kartī haiñ āñkheñ sach hai
band hone se hai nāsūr kā bahnā behtar

kis tarah sach hai na ḳhurshed ko raj.at ho jaa.e
tujh sā āfāq meñ jab māh-laqā paidā ho

bebas ko doshī Thahrā.e us jañgal kā nayāy
sach kī laash pe koī na ro.e jhuuT ko siis navā.e

sach batā kaahe kā paikāñ ye tire tiir meñ thā
jo maza aur hī zaḳhm-e-dil-e-dil-gīr meñ thā

bahkī bahkī jo karte ho taqrīr
sach kaho dil kahāñ tumhārā hai

vaise to kahne ko sach baat sabhī kahte haiñ
is kī pādāsh meñ kyuuñ merā hī sar aatā hai

sach mat bolo us pāgal se
us ke hāthoñ meñ patthar hai

logo sach mat kaho sach kī nahīñ qīmat koī
kisī dīvāne kī sannāTe meñ gūñjī āvāz

kaise bhalā fasāne meñ sach kī talāsh ho
lafzoñ kā her-pher hī pakḌā nahīñ gayā

muñh dekhe ki ye baat nahīñ sach pūchho to ab duniyā meñ
behosh kare haiñ pariyoñ ko insān tumhārī sūrat ke

sach bol ke bachne kī rivāyat nahīñ koī
aur mujh ko shahādat kī zarūrat nahīñ koī

yahāñ jis kisī ne bhī sach kahā use maut tak kī milī sazā
ye to 'shād' terā nasīb thā to bhalī-burī se nikal gayā

udaas dil ho to gulshan bhī aah bhartā hai
ye sach hai rote hue dil se muskurā.ūñgī

tā-ki mahfūz rahe mere qalam kī hurmat
sach mujhe likhnā hai maiñ husn ko sach likkhūñgā

tum jānte ho ''hāñ'' kahne ke to saare lamhe guzar ga.e
ab jhuuT aur sach ke dorāhe par yuuñ khaḌe hue

(ḳhud-kalāmī)
tum jhuuT aur sach ke dorāhe par the

tere liye meñ kyā kyā sadme sahtā huuñ
sañgīnoñ ke raaj meñ bhī sach kahtā huuñ

auroñ par ilzām-tarāshī fitrat hai ham logoñ kī
sach pūchho to paal rakhe haiñ ham ne ḳhud zahrīle naag