Tags-Sad

ghuTan taḌpan udāsī ashk rusvā.ī akelā-pan
baġhair in ke adhūrī ishq kī har ik kahānī hai

ik udāsī mirī dahlīz pe baiThī hogī
ek jugnū mire kamre meñ bhaTaktā hogā

sub.h-dam hai ye tabī.at kaisī
ḳhair udāsī se shikāyat kaisī

mere kamre meñ udāsī hai qayāmat kī magar
ek tasvīr purānī sī hañsā kartī hai

ban ke ḳhushbū kī udāsī rahiye dil ke baaġh meñ
duur hote jā.iye nazdīk aate jā.iye

udāsī joñk hai ye ḳhuun chuus letī hai
ye baat maiñ ne kahīñ aur bhī sunī huī hai

jhūmā thirakte nāchte joḌoñ meñ kuchh ghaḌī
dil phir na jaane kaisī udāsī se bhar gayā

vo mauj-e-mai thī jo chamkā ga.ī udāsī ko
kisī kī ḳhanda-labī bu-e-āshnā niklī

sātvīñ pislī meñ piilī chāndnī
aur tāroñ kī udāsī kā jumūd

jise na merī udāsī kā kuchh ḳhayāl aayā
maiñ us ke husn pe ik roz ḳhaak Daal aayā

ajab nahīñ ḳhaak kī udāsī bharī nigāhoñ kā izn pā kar
palaT paḌeñ ek din ravāñ pāniyoñ ke dhāre samundaroñ se

maiñ ruḳhsat ho rahā huuñ par tumhārī
udāsī ho ga.ī hai multavī kyā

ai udāsī kaun sī manzil pe le aa.ī hai tū
apnā chehra bhī nazar aatā hai begāna mujhe

dukh udāsī malāl ġham ke sivā
aur bhī hai koī makān meñ kyā

ayodhya! jāntā huuñ terī miTTī meñ udāsī hai
na jaane kitnī sadiyoñ se

ruuh pyāsī kahāñ se aatī hai
ye udāsī kahāñ se aatī hai

kise ḳhabar hai ki umr bas us pe ġhaur karne meñ kaT rahī hai
ki ye udāsī hamāre jismoñ se kis ḳhushī meñ lipaT rahī hai

umūr-e-dil meñ kisī tīsre kā daḳhl nahīñ
yahāñ faqat tirī chaltī hai yā udāsī kī

dil-e-fasurda ko maiñ ne to maar hī Daalā
so maiñ to Thiik huuñ ab tū sunā udāsī kī

bahut sharīr thā maiñ aur hañstā phirtā thā
phir ik faqīr ne de dī duā udāsī kī