Tags-Safar

aaj bhī dañg hai raftār-e-zamāna is par
ek pal meñ ka.ī qarnoñ kā safar kis ne kiyā

kār-e-afzā.ish-e-anvār-e-sahar kis ne kiyā
sirf āfāq mirā raḳht-e-safar kis ne kiyā

haiñ vafā kī rāh-e-darāz meñ na.ī manzileñ na.e marhale
vo baneñge kyā mire ham-safar jo qadam qadam pe Thahar ga.e

safar-e-zindagī nahīñ āsāñ
har taraf raah meñ haiñ sañg-e-girāñ

musāfir ko safar kā mas.ala hai
agar to hai magar kā mas.ala hai

huā kareñ tire kaan āshnā-e-shor-e-jaras
safar kā dil meñ irāda nahīñ to kuchh bhī nahīñ

jis raah se uThā huuñ vahīñ baiTh jā.ūñgā
maiñ kārvāñ kī gard-e-safar huuñ zarā Thahar

gum-karda-rāh ḳhāk-basar huuñ zarā Thahar
ai tez-rau ġhubār-e-safar huuñ zarā Thahar

na rasta na koī Dagar hai yahāñ
magar sab kī qismat safar hai yahāñ

vaqt kī ḳhāna-bandī saarī ab ke safar meñ dhuul huī
maazī kaisā haal kahāñ kā fardā pīchhe chhūT gayā

saḌak be-dhaḌak ham-safar hai
chalī jā rahī hai ki bas manzil-e-shauq hadd-e-nazar hai

maiñ jab guzrūñgā is johd-e-safar se
marā pichhlā qadam uThne ko hogā

maiñ ziist ke safar meñ akelī jo chal paḌī
azm-o-junūñ-o-shauq mire kārvāñ hue

koī nahīñ hamrāz-e-tamannā koī nahīñ dam-sāz-e-safar
rāh-e-vafā meñ tanhā tanhā chalne par majbūr hai chāñd

saaya na koī naqsh-e-qadam kūcha na bāzār
sahrā ke safar meñ thā bhaTaktā bhī to kaise

ik safar dasht-e-ḳharābī se sarāboñ tak hai
aañkh kholī to jahāñ ḳhvāb kā manzar niklā

ham ḳhaak ke tuude pe khaḌe pūchh rahe haiñ
kyā lutf milā tum ko samundar ke safar meñ

ham ne to yahī ma.arka maarā hai safar meñ
manzil kī tarah baiTh ga.e rāhguzar meñ

ik umr ke rishtoñ ko fanā pal meñ milī hai
ham DhūñDne kyā nikle haiñ sadiyoñ ke safar meñ

kyā tamāshā hai ki baaqī ho samundar kā safar
aur sāhil se kisī roz safīna lag jaa.e