Tags-Safar

ham rahe dahr meñ jab tak tū rahe pā-ba-rikāb
par na ye ho sakā asbāb-e-safar jama.a kareñ

aage chal ke to kaḌe kos haiñ tanhā.ī ke
aur kuchh duur talak lutf-e-safar hai ye bhī

āḳhirī manzar ajab āñkhoñ meñ hai
jaise sadiyoñ kā safar lamhoñ meñ hai

kin uljhanoñ meñ bachche ko paḌhvā.ī nursery
kin koshishoñ se tai huā ik saal ik safar

ba-juz ḳhayāl-e-ġham-e-mohabbat koī mirā ham-safar nahīñ hai
maiñ ab vahāñ se guzar rahā huuñ jahāñ kisī kā guzar nahīñ hai

pheñk mujh par kamand-e-nāz apnī
aaj maiñ ham-safar sabā kā huuñ

vo aise log the jo
dasht-e-be-dīvār meñ apne safar kā niiñd se āġhāz karte the

har ek moḌ se pūchhā hai manziloñ kā pata
safar tamām huā rahbar nahīñ aa.e

lafzoñ ke tulūa kar ke āfāq
ma.anī ke safar se aa rahe haiñ

chappa chappa us kī galī kā rahā hai mere zer-e-qadam
josh-e-junūñ se azm-e-safar tak ek kahānī biich meñ hai

vo ab numā.ish-e-sair-o-safar se bāhar hai
ye mere saath magar rahguzar se bāhar hai

havā ke hāthoñ meñ haath de kar
judā.iyoñ ke safar pe nikle the tum

siyāh girdāb sī ḳhalā meñ kisī ko to Dūbnā hai āḳhir
safar kā sāthī bas ik sitāra mire barābar hai aur maiñ huuñ

na manziloñ ko na ham rahguzar ko dekhte haiñ
ajab safar hai ki bas ham-safar ko dekhte haiñ

koī to hai jo mujhe Thaharne ko kah gayā hai
safar meñ 'tāsīr' varna aisā paḌāv kaisā

jo āstāñ ho use sañg-e-dar kā ġham kaisā
jo ḳhud safar ho use rahguzar kā ġham kaisā

mirī zindagī hai tanhā tumheñ kuchh asar to hotā
koī dost tum sā hotā koī ham-safar to hotā

musāfiroñ se kaho apnī pyaas bāñdh rakheñ
safar kī ruuh meñ sahrā koī utar chukā hai

chehroñ pe gard āñkhoñ meñ nīndeñ fazā ḳhamosh
sustā rahe haiñ log safar kī takān se

jab maiñ hī nahīñ yaad rafīqān-e-safar ko
hairāñ huuñ ki manzil unheñ kyā yaad rahegī