Tags-Safar

ab us ke ba.ad safar pārak-e-tahayyur hai
batā rahā huuñ tumheñ intibāh thoḌī hai

hai ek ishq se aamez rāste kā safar
zarā sī duur ba-tarz-e-nibāh thoḌī hai

ban ga.e gard-e-safar qāfile āvāzoñ ke
ādam-e-nau kī zarā garmi-e-raftār to dekh

sūrat-e-mahtāb rahtā hai mire sar par safar ke saath saath
mujh ko sahrā kī udāsī meñ bhaTakte rahtā hai vo

kabhī safar hī safar meñ jo umr-e-rafta kī samt
palaT ke dekhā to uḌtī thī gard-e-fardā bhī

ham-safar mujh ko banāne se gurezāñ hai magar
har na.e moḌ pe DhūñDā hai mujhe duniyā ne

jo ajal ko jaane hayāt-e-nau jo hayāt-e-nau ko ajal kahe
mujhe rah-guzār-e-hayāt meñ usī ham-safar kī talāsh hai

mire ham-safar tujhe kyā ḳhabar ye nazar nazar kī talāsh hai
mirī rāhbar ko hai justujū tujhe rāhbar kī talāsh hai

harārat-o-bārdat kī khojī havā.eñ mahv-e-safar raheñgī
badaltī rut kī ḳhabar hamesha tuyūr-e-mausam-shanās deñge

ajiib rāh-e-adam hai par ḳhatm har ek raahī ko hai yahī ġham
ye raaz khultā nahīñ kisī par jahāñ meñ azm-e-safar se pahle

tū rāhzan to nahīñ hai pūchhūñ maiñ kis tarah ham-safar se pahle
savāl aisā kiyā nahīñ hai kisī ne bhī rāhbar se pahle

safar meñ rahnumā.ī ke bahāne
lagāyā barq ne mujh ko Thikāne

ik mustaqil safar hai tirī aarzū mujhe
aur ḳhud ko tāza-dam bhī nahīñ kar sakūñgā maiñ

jo terī rāhguzar meñ chubhā thā ḳhaar mujhe
safar kī yaad dilātā hai baar baar mujhe

lau lagāne se ga.ī dar-badarī kī zillat
ḳhud ko pahuñchā huā lagtā huuñ safar se pahle

chal fanā ke safar meñ yahī raḳht hamrāh le kar chaleñ
is qadar muḳhtasar zindagī meñ to ġham ḳharch hogā nahīñ

hai bas-ki ḳhaak uḌāne kī āvārgī ko kho
raḳht-e-safar meñ ghar ko bhī bāñdhe phirā karo

safar meñ gosh bar āvāz thā har ik zarra
khulā thā sāmne sahrā hameñ sadā na hue

abhī to zauq-e-talab meñ kamī nahīñ aa.ī
abhī mirā safar-e-be-jihāt baaqī hai

qayāmatoñ kī tarah guzāreñge ye mah-o-sāl hijratoñ ke
tamām hogā judā.iyoñ kā safar bahut der ba.ad jā kar