Collections

Lab Shayari

Motivational Ghazals

Best Khamoshi Shayari

More Collections

Tags-Sahra

hamārī ḳhaak se sahrā bhare haiñ
jahāñ tak chāhiye barbād kiije

ba-tarz-e-dilbari be-dad kije

kis haal pe chhoḌe hai mujhe gardish-e-ayyām
sabza bhī jahāñ dekhe huuñ sahrā sā lage hai

qatil hai jo mera wahi apna sa lage hai

laatā hai mujhe khīñch ke sahrā bhī shab-o-roz
vahshat bhī pirotī hai fasāna mire aage

dekho kabhi tum us ka bhi aana mere aage

sahrā ko kyā ḳhabar ki hai har zarra-e-haqīr
muTThī meñ apnī qismat-e-sahrā liye hue

baKHshish hai teri hath mein duniya liye hue

kuchh na kuchh hogā mire ḳhaak uḌāne kā sabab
jaane vaalo mujhe āvāza-e-sahrā na karo

yaad mazi ke charaghon ko bujhaya na karo

ham vaqt ke sahrā meñ
uḌte hue bādal haiñ

hum waqt ke sahra mein

mirī pāgal tabī.at kā hai koī pair na sar
nahīñ dariyā milā to aañkh meñ sahrā rakhā hai

nahin malum jine ka hunar kaisa rakha hai

takte rahte ho kise duur se hairānī se
dil ke sahrā meñ kabhī chāñd sitāro aao

le ke phir zaKHmon ki saughat bahaaro aao

jal rahe the paañv ik muddat se rāhat ke liye
jis taraf bhī maiñ ga.ī taptā huā sahrā milā

umr ke lambe safar se tajraba aisa mila

ab sahrā meñ chain se soyā kartā huuñ
Dar lagtā thā bachpan meñ vīrānī se

dekh raha hai dariya bhi hairani se

shahroñ ke tasavvur se bhī ghabrāne lagā dil
sahrā meñ chale jaao to vahshat nahīñ hotī

aankhon mein agar aap ki surat nahin hoti

kisī ko aas bādal se koī dariyāoñ kā tālib
agar hai tishna-lab sahrā to pyāsā hai samundar bhī

kise jaana kahan hai munhasir hota hai is par bhi

hamārī raah na khoTī karo ḳhudā ke liye
hameñ satāo na sahrā ke ḳhaar kaise ho

kaho to aaj dil-e-be-qarar kaise ho

kahte haiñ aa aa ke mujh ko ūñToñ vaale
sahrā meñ bijlī chamkī hai meñh barsā hai

dhyan ka rahi ruk ruk kar pichhe takta hai

kyā itnā baḌh gayā mirī tishna-labī kā shor
sailāb dekhne mujhe sahrā tak aa gayā

tera KHayal teri tamanna tak aa gaya

sarāb lab pe sajā.e har ek phirtā hai
mujhe to shahr bhī sahrā dikhā.ī detā hai

faza ka rang nikharta dikhai deta hai

ai vatan ai rāhat-o-ārām ke dilkash dayār
tere shahroñ par tasadduq tere sahrā par nazār

watan

tire sivā kise DhūñDūñ sarāb-o-sahrā meñ
tirī hī zaat kā partav har ik tamannā meñ

tere siwa kise DhunDun sarab-o-sahra mein

jis tarah narġhe meñ chalte haiñ ġhazāl-e-sahrā
yuuñ tirī chashm ke bīmār chale aate haiñ

apni farhat ke din ai yar chale aate hain

ye sulagtā huā sahrā hai nishānī us kī
rāsta bhuul gayā thā koī dariyā apnā

rasta bhul gaya ek sitara apna