Tags-Sahra

jaane kis or gayā qāfila ummīdoñ kā
dil ke sahrā meñ nahīñ aas kā ḳhema koī

shām-e-ġham ke sulagte sahrā meñ
ik umañDtī huī ghaTā thā firāq

mujhe ḳhud meñ koī sahrā mayassar aa gayā thā
uḌaa.ī jā rahī thī ḳhaak vahshat ho rahī thī

ġham ke sahrā meñ bikhar jā.ūñ maiñ tinkoñ kī tarah
ek jhoñkā bhī ye tūfān uThā jā.egā

lahū jigar kā huā sarf-e-rañg-e-dast-e-hinā
jo saudā sar meñ thā sahrā khañgālne meñ gayā

dasht-o-sahrā kī kahāñ ab zindagānī chāhiye
aur agar aisā hai to hoñToñ ko paanī chāhiye

maiñ ek umr bhaTaktā rahā huuñ sahrā meñ
ki merī ḳhaak uḌātī rahī havā barsoñ

musalsal ret par chalnā vafā kī riit Thahrī hai
tirī dahlīz tak phailā vo sahrā yaad aatā hai

goyā.ī hai pāband-e-salāsil ki 'amīr' ab
sahrā meñ bhī āvāz lagāne nahīñ dete

mire andar ke mausam hī mujhe tāmīr karte haiñ
kabhī sairāb hotā huuñ kabhī sahrā-numā huuñ maiñ

uḌā dūñgā 'rasā' maiñ dhajjiyāñ dāmān-e-sahrā kī
abas ḳhār-e-bayābāñ mere dāman se aTakte haiñ

geñdā hai khilā baaġh meñ maidān meñ sarsoñ
sahrā vo basantī hai ye gulzār basantī

baaġh meñ gar nasheman jalā kyā huā
ġham hai sahrā hue gulistāñ gulistāñ

'asar' ḳhalal ke sharāre the dasht-o-sahrā meñ
sukūñ kā ḳhema lagānā bhī kitnā mushkil thā

dam liyā ham ne ġham ke saa.e meñ
varna har samt ḳhushk sahrā hai

magar maiñ zaat ke sahrā meñ mahv-e-raqs rahā
mujhe bhī koh-e-nidā kī taraf bulāyā gayā

kis dil kī baat kaheñ ham tum kis dil kā dard saheñ ham tum
dil patthar hai dil shīsha hai dil sahrā hai dil dariyā hai

ik aas kā dhundlā saaya hai ik paas kā taptā sahrā hai
kyā dekh rahe ho āñkhoñ meñ in āñkhoñ meñ kyā rakkhā hai

zamāna dard ke sahrā tak aaj le aayā
guzār kar tirī zulfoñ ke saa.e saa.e mujhe

ye dhuup kī tezī ye sarāboñ kī sajāvaT
sahrā ne junūñ ko mire pahchān liyā kyā