Collections

Lab Shayari

Motivational Ghazals

Best Khamoshi Shayari

More Collections

Tags-Sahra

mirā sahrā hai merī ḳhud-shanāsī
maiñ apnī ḳhāmushī meñ gūñjtā huuñ

jise likh likh ke KHud bhi ro paDa hun

shabnam shabnam pighlī pighlī yādeñ haiñ
merā ġham to sahrā DhūñDhtā rahtā hai

bite waqt ka chehra DhunDhta rahta hai

kabhī sahrā meñ rahte haiñ kabhī paanī meñ rahte haiñ
na jaane kaun hai jis kī nigahbānī meñ rahte haiñ

kabhi sahra mein rahte hain kabhi pani mein rahte hain

dasht-o-sahrā se guzartī huī tanhā.ī ne
rāste bhar ke liye us kī sadā māñgī thī

maine kab barq-e-tapan mauj-e-bala mangi thi

dil-o-dimāġh-o-nafas tishnagī se haiñ raushan
isī kī aag meñ jalte haiñ shahar-o-sahrā bhī

ajib shai hai tarah-dar bhi tamanna bhi

gire haiñ jitne aañsū dāman-e-sahrā meñ sadiyoñ se
sulagtī ret bhī andar se shāyad tar nikal aa.e

kahin aankhen kahin bazu kahin se sar nikal aae

samundar chhoḌ kar sahrā meñ aayā
yahāñ dariyā hī dariyā chāhtā huuñ

kahan kuchh bhi adhura chahta hun

tirī zulfoñ ke saa.e meñ agar jī luuñ maiñ pal-do-pal
na ho phir ġham jo mere naam sahrā likh diyā jaa.e

teri zulfon ke sae mein agar ji lun main pal-do-pal

āshiq kī be-kasī kā to aalam na pūchhiye
majnūñ pe kyā guzar ga.ī sahrā gavāh hai

aashiq ki be-kasi ka to aalam na puchhiye

sab ke hāthoñ kī lakīroñ meñ muqaddar rakh ke
rakhne vaale ne mire haath pe sahrā rakkhā

tu nahin hai to tere hamnam se rishta rakkha

sahrā sahrā pyaas ke manzar se ho kar rū-ba-rū
ab kisī āshiq ke hoñToñ se ubhartī raat hai

KHamoshi ki dhun pe tanha raqs karti raat hai

jitne sahrā vo sab mere
sonā hai miTTī duniyā kī

koi na dekhe gunj hawa ki

use duniyā kabhī dariyā nahīñ kahtī
chamakne ko to har sahrā chamaktā hai

kahin suraj kahin zarra chamakta hai

hijr ke sahrā kā aisā zikr kyā
ai shab-e-bedār dekhā jā.egā

jo bhi hoga war dekha jaega

havā kī tarah sahrā se guzar jā
safar meñ kyā sar-o-sāmān rakhnā

khula mujh par dar-e-imkan rakhna

sahrā meñ jahāñ cactus ke daraḳht ziyāda haiñ
us ne ik sā.ebān aur ik bench banā.ī hai

nensi

shiddat kī pyaas ne mujhe gherā to ye khulā
sahrā kā jo makīn thā dariyā usī kā thā

dil dhaDkanon mein jaise dhaDakta usi ka tha

jamī hai umīdoñ pe hirmāñ kī kaa.ī
ki sahrā kā ik ḳhushk tālāb huuñ maiñ

ghamon ke andheron mein gharqab hun main

ba-qadr-e-ramz jahāñ fahma-e-nigāh-e-dil
nashīn-e-kūcha-o-sahrā-o-taḳht uThne lagā

sawal-e-tajurba-e-kar-e-saKHt uThne laga

ġhubār-e-āh-e-tūfāñ se chhupī hai ḳhaak meñ bastī
ye 'uzlat' shahr meñ thā jā rahā nāgāh sahrā meñ

junun-awar shab-e-mahtab thi pi ki tamanna mein