Collections

Lab Shayari

Motivational Ghazals

Best Khamoshi Shayari

More Collections

Tags-Sahra

shahr kā shahr basā hai mujh meñ
ek sahrā bhī sajā hai mujh meñ

shahr ka shahr basa hai mujh mein

tū kohsār meñ vaadī meñ dasht-o-sahrā meñ
maiñ tujh ko DhūñD nikālūñ to tujh se baat karūñ

hisar-e-zat se niklun to tujhse baat karun

tire sahrā-navardoñ kā mazāq-e-justujū tauba
ġhubār-e-rāh ko ye parda-e-mahmil samajhte haiñ

na kuchh aalim samajhte hain na kuchh jahil samajhte hain

maiñ sahrā thā jazīra ho gayā huuñ
samundar dekh terā ho gayā huuñ

main sahra tha jazira ho gaya hun

reg-e-sahrā unheñ nigaltī hai
jin kī rah meñ sarāb rahtā hai

in ke ruKH par hijab rahta hai

us ne kuchh soch ke sahrā kī taraf moḌ diyā
pyaas bas pahuñchne vaalī thī abhī paanī tak

haibat-e-husn se alfaz ki hairani tak

dil ke sahrā meñ aa nikaltā hai
ab bhī koī gurez-pā sā kuchh

rahna har dam bujha bujha sa kuchh

ḳhaak ab uḌne lagī maidān sahrā ho ga.e
ret kā tūfān dariyāoñ se paanī le gayā

KHwab aankhon se zaban se har kahani le gaya

muskurātī huī in āñkhoñ kī shādābī meñ
maiñ tirī ruuh kā taptā huā sahrā dekhūñ

bhul kar tujhko bhara shahr bhi tanha dekhun

sā.ebāñ kī ḳhvāhish meñ ik safar huuñ sahrā kā
jism-o-jāñ pighalte haiñ jism-o-jāñ pighalne do

dil ke zaKHm jalte hain dil ke zaKHm jalne do

soch meñ Duubā huā huuñ aks apnā dekh kar
jī laraz uTThā tirī āñkhoñ meñ sahrā dekh kar

soch mein Duba hua hun aks apna dekh kar

sahrā kī gard hogī kafan mujh ġharīb kā
uTh kar bagūle merā janāza uThā.eñge

hum mai-kade se mar ke bhi bahar na jaenge

ham ahl-e-shahr kī fitrat se ḳhuub vāqif hai
vo ik ġharīb jo sahrā-navard hai yaaro

hanso na tum ruKH-e-dushman jo zard hai yaro

be-ḳhudī meñ bhī raqābat kā magar hai ehsās
ek sahrā meñ hai dīvāne se dīvāna judā

sare aalam se mere gham ka hai afsana juda

sho.ala shamīm-e-zulf se aage baḌhā nahīñ
sahrā kī jaltī ret meñ ThanDī havā nahīñ

shoala shamim-e-zulf se aage baDha nahin

mauj-e-reg sarāb-e-sahrā kaise bantī hai
bahtā huā ā.īna-e-dariyā kaise bantī hai

mauj-e-reg sarab-e-sahra kaise banti hai

bādal to 'farāġh' asl meñ hotā hai vo bādal
jo pyaas ke sahrā ko bhī pyāsā nahīñ rakhtā

jis din se koi KHwahish-e-duniya nahin rakhta

nahīñ hai aañkh ke sahrā meñ ek buuñd sarāb
magar ye rañg badaltā huā sā kuchh to hai

mere badan mein pighalta hua sa kuchh to hai

dāman-e-sahrā se lūñgā mar ke vahshat meñ kafan
ik nayā joḌā pinhā.egī ye uryānī mujhe

waqt-e-aKHir yaad hai saqi ki mehmani mujhe

añdherī shab kā safar thā havā thī sahrā thā
diye ko maiñ ne bachāyā thā aur diye ne mujhe

andheri shab ka safar tha hawa thi sahra tha