Collections

Lab Shayari

Motivational Ghazals

Best Khamoshi Shayari

More Collections

Tags-Sahra

sahrā meñ gulāboñ ko ugāne kī tamannā
ye ḳhvāb anokhā sā mire pesh-e-nazar thā

is tark-e-talluq ka ajab mujh par asar tha

chāhe haiñ tamāshā mire andar ka.ī mausam
laao koī sahrā mirī vahshat ke barābar

chahe hain tamasha mere andar kai mausam

maiñ vaqt kī suuī se bañdhā rahtā huuñ varna
sahrā meñ bahut ret uḌātā nazar aatā

kab tak wo mohabbat ko nibhata nazar aata

sar par hai bahāroñ ke mire ḳhuun kā sahrā
ālūda lahū se haiñ gul o ḳhaar abhī tak

baqi hai wahi shoKHi-e-guftar abhi tak

chhoḌ kar aap ke kūche ko phirūñ sahrā meñ
so to majnūñ sā nahīñ huuñ maiñ divānā sāhab

ye gila dil se to hargiz nahin jaana sahab

dil vo sahrā hai jahāñ hasrat-e-sāya bhī nahīñ
dil vo duniyā hai jahāñ rañg hai ra.anā.ī hai

dil wo sahra hai jahan hasrat-e-saya bhi nahin

din ko sahrā meñ bagūloñ kā safar bhī dekho
sub.h-dam baaġh meñ ye raqs-e-sabā ḳhuub sahī

jurm tera na sahi meri saza KHub sahi

'bedār' rāh-e-ishq kisī se na tai huī
sahrā meñ qais koh meñ farhād rah gayā

jo kuchh ki tha wazaif-o-aurad rah gaya

maiñ huuñ ki kaḌī dhuup ke sahrā meñ ghirā huuñ
saaya kahīñ miltā hī nahīñ shāḳh-e-shajar kā

har chand ki pyara tha main suraj ki nazar ka

jahāñ talak bhī ye sahrā dikhā.ī detā hai
mirī tarah se akelā dikhā.ī detā hai

jahan talak bhi ye sahra dikhai deta hai

ab na jazba na aarzū na umiid
bin divānoñ kā ek sahrā maiñ

usne apna liya to Thahra main

maiñ sab se alāhada huuñ magar mujh meñ hai sab kuchh
Thahrā huā sahrā ho ki dariyā kī ravānī

ab shahr ki aur dasht ki hai ek kahani

DhūñDne nikle haiñ jis ko ilm ke sahrā meñ ham
dard-o-ġham kī rāh-e-abjad meñ kahīñ rahtā hai vo

iztirab-e-KHak-e-amjad mein kahin rahta hai wo

tasavvurāt ke sahrā meñ jal bujhā huuñ 'salīm'
na chhāñv baḳhshī kisī husn-e-gul-ridā ne mujhe

teri talash mein guzre kai zamane mujhe

kyā mahkeñ tamannāoñ ke gul buuTe
vīrāni-e-sahrā mire ghar meñ hai

taswir ka har rang nazar mein hai

us chiiz kā kyā zikr jo mumkin hī nahīñ hai
sahrā meñ kabhī sāya-e-dīvār na māñgo

yaro kisi qatil se kabhi pyar na mango

paañv meñ jitne bhī chhāle the sabhī phuuT paḌe
koī samjhā na mire dard ko sahrā ke sivā

gham-e-mazi gham-e-hazir gham-e-farda ke siwa

ehrām TūTte haiñ kahāñ sañg-e-vaqt ke
sahrā kī tishnagī meñ abul-haul hañs paḌā

iblagh ke badan mein tajassus ka silsila

duur sahrā meñ jahāñ dhuup shajar rakhtī hai
aañkh kyā shai hai kahāñ jā ke nazar rakhtī hai

dur sahra mein jahan dhup shajar rakhti hai

sar pe sūraj hai kahīñ sāya-e-dīvār nahīñ
ek phailā huā sahrā hai koī yaar nahīñ

sar pe suraj hai kahin saya-e-diwar nahin