Tags-Sahra

dhanak se phuul se barg-e-hinā se kuchh nahīñ hotā
badan sahrā hue āb-o-havā se kuchh nahīñ hotā

kabhī to sahrā ke dāmanoñ par kabhī chaman kī latāfatoñ par
jalāl ban kar jamāl ban kar baras rahā hai shabāb terā

ham ki us hijr ke sahrā meñ paḌe haiñ kab se
ḳhema-e-ḳhvāb-e-rafāqat bhī na ho to kyā ho

thā safar dar-pesh sahrā kā girah meñ rakh diye
us ne kuchh kāñTe ki uzr-e-ābla-pā.ī na ho

guzartā hai jis ā.īne se bhī mausam sharāroñ kā
chaman ko saath le jaatā hai sahrā chhoḌ jaatā hai

zindagī us kī sulagtā huā sahrā hogī
jo tirī āñkhoñ pe īmān na laayā hogā

badliyoñ ne laTeñ nichoḌī thiiñ
pyāsā pyāsā magar rahā sahrā

us kī āñkhoñ meñ boltī nadiyāñ
mere kānoñ meñ gūñjtā sahrā

riit tanhā.ī fāsla sahrā
kaun sī bhuuk de gayā sahrā

bain kartī havā muqayyad hai
shahr-e-mātam hai zaat kā sahrā

sabz shādābiyoñ ke badle meñ
kaun qismat meñ likh gayā sahrā

na ham vahshat meñ apne ghar se nikle
na sahrā apnī vīrānī se niklā

lā kar bahār-e-nau ke gul-e-nudrat-e-ḳhayal
sahrā ko maiñ chaman sā banātā chalā gayā

ik girdāḌī sahrā samet ik mauj uThī dariyā samet
duniyā-e-ḳhāk-o-āb meñ thā koī shaam aayā huā

tapte sahrā meñ ye ḳhushbū saath kahāñ se aa.ī
zikr zamāne kā thā terī baat kahāñ se aa.ī

maiñ zaat ke sahrā meñ tā-umr na bhaTkūñgā
ai shahr ke darvāzo mere liye vā rahnā

ba-nām-e-paikar-ḳhākī na gard ban jaao
miyān-e-shahr na sahrā-navard ban jaao

vahshat meñ bhī minnat-kash-e-sahrā nahīñ hote
kuchh log bikhar kar bhī tamāshā nahīñ hote

vo ḳhaak uḌegī ki na dekhī na sunī ho
dīvāna to kyā chiiz hai sahrā na rahegā

kaash ulaT de koī sahrā meñ samundar lā kar
qāfila Duub hī jaa.e to sarāboñ se bache